කොළඹ කොටස් වෙළෙඳපොළ මිල දර්ශකවල ඉහළ යාමක් අද (17) දිනයේත් දක්නට ලැබුණි. මෙලෙස මිල දර්ශකවල ඉහළ යාමක් වාර්තා වී ඇත්තේ අඛණ්ඩව සිව්වන දිනයටයි.

දිනයේ ගනුදෙනු අවසානයේ දී සියලු කොටස් මිල දර්ශකය ඒකක 41.38 කින් ඉහළ ගොස් ඒකක 16,257.31 ක් ලෙසින් සටහන් වූ අතර S&P SL20 මිල දර්ශකය ඒකක 13.62 කින් ඉහළ ගොස් ඒකක 4,931.66 ක් ලෙසින් සටහන් විය.

අද සමාගම් 114ක කොටස් මිල ගණන් ඉහළ ගිය අතර ඩයලොග් ආසියාටා, DFCC බැංකුව, ඩිප්ඩ් ප්‍රඩක්ට්ස්, හේමාස් හෝල්ඩිංග්ස් සහ කොමර්ෂල් බැංකුව යන සමාගම් සියලු කොටස් මිල දර්ශකයට ඉහළ ධනාත්මක දායකත්වයක් ලබා දී තිබුණි.

අද ගනුදෙනු පිරිවැටුම දැක්වුනේ රු. බිලියන 5.41 ක් ලෙසයි.