කොළඹ ‌කොටස් වෙළෙඳපොළ දෛනික ගනුදෙනු අද (17) දිනයේ දී පෙරවරු 11.30 වනතුරුත් ආරම්භ වී නොතිබිණි.

මේ සම්බන්ධයෙන් කොළඹ කොටස් ‌වෙළෙඳපොළ පවසන්නේ තැරැව්කාර සමාගම් වලට තම සේවාදායක සුරැකුම්පත් ශේෂයන් තහවුරු කර ගැනීම සඳහා වැඩි කාලයක් ලබා දීම සඳහා අද (2021 අගෝස්තු 17) දින විවෘත වෙන්දේසි ඇමතුම් සැසිය පෙ.ව. 11.30 දක්වා දීර්ඝ කළ බවයි.

Delivery Versus Payment (DVP) ගනුදෙනු පියවීමේ යාන්ත්‍රණය ඊයේ (16) සිට හඳුන්වා දීමට කොළඹ කොටස් වෙළෙඳපොළට හඳුන්වා දීමට කටයුතු යෙදුණු අතර ඒහිදී ඇති වූ තාක්ෂණික අපහසුතා මත ඒක් තැරැව්කාර සමාගමකට ගනුදෙනු පද්ධතිය සමඟ සමබන්ධ වීමට නොහැකි වීම හේතුවෙන් ඊයේ දින ගනුදෙනු ආරම්භ වීම පමා වුණි.

ඊයේ සිදුවූ ගනුදෙනු ප්‍රමාදය සම්බන්ධයෙන් අද දෙරණ කළ විමසීමකට ප්‍රතිචාර දක්වමින් ප්‍රාග්ධන වෙළෙඳපොළ භාර අමාත්‍යවරයා වන රාජ්‍ය අමාත්‍ය අජිත් නිවාඩ් කබ්රාල් මහතා කියා සිටියේ ඒය කිසිසේත් සිදුනොවිය යුත්තක් බවයි.