ඩේටා සඳහා විශේෂයෙන් සැකසු ඇමතුම් සහ SMS ද ඇතුළත් සුවිශේෂි ‘DATA BLASTER’ පැකේජය ඩයලොග් ආසිආටා පහසු මිලකට හඳුන්වාදෙයි

July, 28, 2020

ශ්‍රී ලංකාවේ ප්‍රමුඛතම සන්නිවේදන සම්පාදකයා වන ඩයලොග් ආසිආටා පීඑල්සී  සියලුම ශ්‍රී ලාංකිකයන්ට දැරිය හැකි සහ ලබාගත හැකි ජාත්‍යන්තර මට්ටමේ අන්තර්ජාල සේවා පිරිනැමීමේ සිය දැක්මට අනුව යමින් රු. 129/- ක් වැනි පහසු මිලකට DATA BLASTER පැකේජය හඳුන්වාදීමට කටයුතු කර ඇත. ඩයලොග් ඩේටා පාරිභෝගිකයන්ට එකම පැකේජයක් හරහා ඔවුන්ගේ ඩේටා, ඇමතුම් සහ SMS අවශ්‍යතා සඳහා පහසුකම් සැලසීමේ අරමුණින් මෙම පැකේජය හඳුන්වා දෙන ලදී.

Anytime Data GB 1 ක්, D2D ඇමතුම් සඳහා මිනිත්තු 250 ක් සහ SMS 250 ක් ඇතුළත් මෙම DATA BLASTER පැකේජය දින 7 ක් සඳහා වලංගු වේ. පෙරගෙවුම් සහ පසුගෙවුම් යන පාරිභෝගිකයන් දෙපිරිසටම #006# අමතා මෙම පැකේජය සක්‍රිය කරගත හැක..

Blaster පැකේජයන් සමුහයට එක් වූ අළුත්ම පැකේජය ලෙස Data Blaster හැඳින්විය හැකි අතර මීට පෙර ඇමතුම් වැඩි වශයෙන් භාවිත කරන පාරිභෝගිකයන් වෙනුවෙන් හඳුන්වාදුන් “Triple Blaster” සහ YouTube සඳහා අසීමිත ඩේටා සමඟ අනෙකුත් සේවාවන් සඳහා 3.5GB  ඩේටා ප්‍රමාණයක් ද සමඟින්  හඳුන්වා දුන් “4G Video Blaster” පැකේජයන් මේ වන විටත් පාරිභෝගිකයන් අතර ඉහළ ප්‍රසාදයකට පත්ව ඇත. ඩේටා පාරිභෝගිකයන් අතර තරගකාරී පැකේජ අතරට එක්වූ මෙම සුවිශේෂි ‘DATA BLASTER’ පැකේජය හරහා සතියක් පුරාවට පාරිභෝගිකයාගේ අවශ්‍යතාවය මැනවින් ඉටුකළ හැකි ප්‍රමාණවත් ඩේටා, ඇමතුම් හා SMS සමඟ ලබාදීම සිදුවේ.

පාරිභෝගිකයන්ගේ අවශ්‍යතාවයන් හොඳින් හඳුනන ඩයලොග් පාරිභෝගිකයන්ට වඩාත් ගැළපෙන හා දැරිය හැකි පැකේජ හරහා පහසුකම් සැලසීමේ අභියෝගයට අවතීර්ණ වී තිබේ. පුද්ගලයන් සිය කාර්යබහුල සහ වේගවත් ජීවන රටාවන්ට වඩා හොඳින් ගැලපෙන අන්තර්ජාල මාධ්‍යයන්ට යොමුවන කාලවකවානුවක පාරිභෝගිකයන්ට ඉදිරිපත් කරන ඩේටා සඳහාම විශේෂ ඇමතුම් සහ SMS ඇතුළත් මෙම පැකේජය කාලීන හඳුන්වාදීමකි. උසස් පාරිභෝගික අත්දැකීමක් සහ ගුණාත්මක සේවාවක් අහිමි නොකරමින් මිලියන 15 කට අධික සිය පාරිභෝගිකයන්ට විශ්වසනීය මෙන්ම අඛණ්ඩ සම්බන්ධතාවයක් ලබාදීම වෙනුවෙන් ඩයලොග් ඉටුකළ කාර්යභාරයේ සුවිශේෂී සන්ධිස්ථානයක් ලෙස මෙම හඳුන්වාදීම පිළිබඳව සඳහන් කළ හැක.