ඔක්තෝම්බර් 15 වන දින කොරොනා වෛරසය ආසාදනය වී ඇති බවට හඳුනා ගත් කාර්ය මණ්ඩල සාමාජිකයා සේවය කළ හැටන් නැෂනල් බැංකුවේ ප‍්‍රධාන කාර්යාලයේ 19 වන මහලේ අදාල කාර්යාල පරිශ‍්‍රයේ සේවය කරන සියලූම කාර්ය මණ්ඩලය හා ඔවුන්ගේ සමීපතමයන් PCR පරීක්ෂණයන්ට භාජනය කළ අතර ඒ සියලූ දෙනා කොවිඞ් වෛරසය ආසාදනය නොවූ බව තහවුරු වී ඇතැයි HNB මාධ්‍ය නිවේදනයක් නිකුත් කරමින් කියා සිටී.

”අපගේ කාර්ය මණ්ඩල සාමාජිකයින්ගේ සෞඛ්‍යය හා යහපැවැත්ම අපගේ ප‍්‍රමුඛතාව වන අතර කොවිඞ් වසංගතය පැතිරීම අවම කිරීම සඳහා අප දැඩි මාර්ගෝපදේශ අඛණ්ඩව අනුගමනය කරමින් සිටිමු’’ යනුවෙන් නිවේදනයේ සඳහන් වෙයි.

හැටන් නැෂනල් බැංකුවේ සියලූම ශාඛා හා අංශවල කොවිඞ්-19 ආරක්ෂිත නියමයන් හා ක‍්‍රියාමාර්ග ක‍්‍රියාත්මක කිරීමේදී සෞඛ්‍ය අමාත්‍යාංශයේ උපදෙස් හා මාර්ගෝපදේශ දැඩි ලෙස පිළිපදින බව බැංකුව අවධාරණය කරයි.