මැතිවරණ කොමිෂං සභාව විසින් ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතාගෙන් ලිඛිත ඉල්ලීමක් කර තිබේ.

මැතිවරණ සමයේ දී ලංකා ඛනිජ තෙල් නීතිගත සංස්ථාවේ සහ ලංකා විදුලිබල මණ්ඩලයේ කටයුතු බාධාවකින් තොරව පවත්වාගෙන යාම පිණිස අවශ්‍ය ඩොලර් ලබා ගැනීම සම්බන්ධයෙන් මෙම ලිපිය යවා ඇත.

මහ බැංකුව ජනවාරි පළමුවැනිදා සිට ඩොලර් නිකුත් කිරීම නවතා ඇති බවත් මේ හේතුවෙන් වෙළෙඳපොළෙන් ඩොලර් මිලට ගැනීමේ දී ඛනිජ තෙල් නීතිගත සංස්ථාවට සහ විදුලිබල මණ්ඩලයට වැඩි පිරිවැයක් දැරීමට සිදුව ඇති බවත් වාර්තා වේ.

මේ වන විට ඛනිජ තෙල් නීතිගත සංස්ථාව සහ විදුලිබල මණ්ඩලය තමන්ට ඩොලර් ප්‍රශ්නයක් ඇති බව පවසන බවත්, මැතිවරණ කලාසීමාව තුළදී එම තත්ත්වය පිළිබඳ සලකා බලන මෙන් මහ බැංකු අධිපතිවරයාට ලිපියක් මගින් ඉල්ලා ඇති බවත් මෙහිදී වැඩිදුරටත් වාර්තා වී තිබේ.