පෞද්ගලික ගොඩනැගිලිවල පවත්වාගෙන යනු ලබන රාජ්‍ය අමාත්‍යංශ කාර්යාල, රජයේ ගොඩනැගිලි වෙත ගෙන යාම සඳහා නව කාර්යාල සංකීර්ණයක් ඉදිකිරීමට නාගරික සංවර්ධන අධිකාරිය යටතේ කටයුතු කෙරෙමින් පවතින බව මුදල්, ප්‍රාග්ධන වෙළෙඳපොළ හා රාජ්‍ය ව්‍යවසාය ප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් මහතා පවසයි.

රාජ්‍ය අමාත්‍යවරයා අද (25) දින පාර්ලිමේන්තුවේ දී මේ බව පැවසූ අතර 2021.01.15 වන විට ලෝක වෙළෙඳ මධ්‍යස්ථාන ගොඩනැගිල්ල (WTC) තුළ පවත්වා ගෙන යනු ලබන අමාත්‍යාංශ සංඛ්‍යාව 3 ක් වන අතර අමාත්‍යාංශ 2 ක අමාත්‍ය කාර්යාල මණ්ඩල පමණක් එම ගොඩනැගිල්ල තුළ පවත්වා ගෙන යනු ලබන බවත් වැඩිදුරටත් කියා සිටියේය.