ශ්‍රීලංකන් ගුවන් සේවය විසින් ශ්‍රී ලංකාවේ සංචාරක ආකර්ෂණය දිනාගත් ස්ථාන ප්‍රවර්ධනය කිරීමේ අරමුණින් සිය Apron Coaches රථ හැඩගන්වා තිබෙනවා.

බණ්ඩාරනායක ජාත්‍යන්තර ගුවන්තොටුපළේ මගී  පර්යන්තය (terminal) සිට ගුවන් යානා අතර මගීන් හුවමාරු කිරීමේ මෙහෙයුම් සඳහා භාවිතා කරන මෙම අලුතින් සන්නාමගත Apron Coaches රථ දිගු ගුවන් ගමනකින් පසු මෙරටට පැමිණෙන සංචාරකයින් සඳහා ශ්‍රී ලංකාව පිළිබඳව පළමු දෘශ්‍ය හැඟීම වනු ඇත.

අපගේ ජාතික ගුවන් සේවය ලෙස විවිධාකාර වූ වැඩසටහන් ඔස්සේ ශ්‍රී ලංකාවේ සංස්කෘතිය, උරුමය, ඉතිහාසය හා ස්වභාව සෞන්දර්ය ලෝකයේ අවධානයට යොමුකරවීමට ශ්‍රීලංකන් ගුවන් සේවය සමත් වී ඇත. ශ්‍රී ලංකාව ලොව ජනප්‍රියම සහ ප්‍රමුඛතම සංචාරක ගමනාන්තයක් බවට පත්කිරීම ශ්‍රීලංකන් ගුවන් සේවයේ අරමුණයි.