අද (28) දිනයේ දීද කොළඹ බණ්ඩාරනායක ගුවන් තොටුපලෙන් පිටත් වීමට නියමිතව තිබූ ශ්‍රීලංකන් ගුවන් සේවයට අයත් ගුවන් යානා දෙකක් අවලංගු වී ඇති බව ගුවන් තොටුපල නිල ගුවන් ගමන් කාලසටහන පෙන්වා දේ.

ඒ අනුව අද දින පැය 18.55 ට බැංගලෝර් දක්වා පිටත් වීමට තිබූ UL 171 ගුවන් යානය සහ පැය 23.45 ට මුම්බායි දක්වා පිටත් වීමට නියමිතව තිබූ UL 141 ගුවන් යානය මෙලෙස අවලංගු කර ඇති බව එහි සඳහන් වේ.

ඊයේ (27) දිනයේ දී ශ්‍රීලංකන් ගුවන් යානා 3 ක පිටත්වීම් අවලංගු වී තිබුණු අතර යානා 4ක් ප්‍රමාද වී පිටත් වන බව සඳහන්ව තිබුණි.