2021 වර්ෂයේ මුල් වරට කොළඹ කොටස් වෙළෙඳපොළ අද (04) දින ගනුදෙනු සඳහා විවෘත විය. මෙහිදී කොළඹ කොටස් වෙළෙඳපොළ සියලු කොටස් මිල දර්ශකය දිනයේ ගනුදෙනු අවසානයේ දී ඒකක 120.76 ක දැවැන්ත වර්ධනයක් වාර්තා කරන ලදී.

මේ අනුව දිනය අවසානයේ දී සියලු කොටස් මිල දර්ශක අගය 6,894.98 ක් ලෙසින් සටහන් වූ අතර මෙය පූර්ව ගනුදෙනු දිනය හා සැසඳීමේ දී 1.78% ක වර්ධනයකි.

මේ අතර රු. බිලියන 4.96 ක ගනුදෙනු පිරිවැටුමක් ද වාර්තා වීම විශේෂත්වයකි.

සියලු කොටස් මිල දර්ශකයේ ඉහළ යාම සඳහා ලංකා දුම්කොළ සමාගම, බ්‍රවුන්ස් ඉන්වෙස්ට්මන්ට්ස්, එක්ස්පෝලංකා, කොමර්ෂල් බැංකුව සහ නෙස්ලේ යන සමාගම්වලින් වැඩි දායකත්වයක් දුන් අතර අද දින සමාගම් 121 ක් සියලු කොටස් මිල දර්ශකය වෙනුවෙන් ධනාත්මක දායකත්වයක් ලබා දෙන ලදී.