IT කර්මාන්ත ක්ෂේත්‍රයට මහවැලි ව්‍යාපෘතියක් අවශ්‍යයි – දිනේෂ් සපරමාදු 

September, 17, 2021

ශ්‍රී ලංකාව කඩිනම් මහවැලි ව්‍යාපෘතිය දියත් කළ අයුරින්ම මෙරට තොරතුරු තාක්ෂණ කර්මාන්ත කේෂ්ත්‍රයේ ශ්‍රම බලකාය ඉහළ නැංවීම සඳහා එවැනිම ව්‍යාපෘතියක් දියත් කළ යුතු බව hSenid සමූහයේ නිර්මාතෘ හා සභාපති දිනේෂ් සපරමාදු මහතා පවසයි. ඊයේ (16) TV දෙරණ ඔස්සේ විකාශය වූ 'එක්ව ජයගමු' විශේෂ සජීවී වැඩසටහන හා එක්වෙමින් ඒ මහතා මේ බව කියා සිටියේය. ඉදිරි වසර 4 ක කාලය තුළ දී තොරතුරු තාක්ෂණ කර්මාන්ත ක්ෂේත්‍රයේ 75,000 - 80,000 ක පමණ නව රැකියා දිය හැකි නම් මෙම කර්මාන්ත ‌අංශය හරහා ඩොලර් බිලියන 5 ක ආදායමක් ලබා ගැනීම අපහසු කාර්යයක් නොවන බව ඒ මහතා මෙහිදී අවධාරණය කළේය.

"IT කර්මාන්ත ක්ෂේත්‍රයට දැනට තිබෙන ලොකුම ප්‍රශ්නය තමයි ශ්‍රමය. අපිට අවශ්‍ය කෙරෙනවා 21,000 - 25,000 ක ශ්‍රමයක්. ඒ වුණාට අපේ රාජ්‍ය හා පෞද්ගලික විශ්වවිද්‍යාලවලින් එලියට එන උපාධිධාරීන් සිටින්නේ 11,000 - 12,000 ක් විතර. ඇත්තටම තව 10,000 ක විතර රැකියාවලට ඉඩ තියෙනවා. උසස් පෙළ සමතුන්ගෙන් 50% ක් පමණයි රජයේ හා පුද්ගලික විශ්වවිද්‍යාලවලට යන්නේ. තවත් 50% ක් වෙනත් කෂේත්‍රවලට යනවා. SLASSCOM එකෙන් පටන් අරගෙන තියෙනවා Future Careers කියලා වෙනම වෙබ් මාලාවක්, කට්ටියට ඒකට ගිහිල්ලා ඉදිරියට තියෙන රැකියා අවස්ථා ගැන බලන්න. අවුරුදු 4ක උපාධි පාඨමාලා වෙනුවට දැන් ඇවිල්ලා තියෙනවා ‌නැනෝ උපාධි. මාස 03 ක සහතික පාඨමාලා. ඒ වගේම Coursera වගේ ඔන්ලයින් පාඨමාලා රැසක් තියෙනවා. Johns Hopkins University එකේ සහතිකයක් ගන්න පුළුවන්. ලෝකේ තියෙන ගොඩාක් Data Analytic, Data Science අංශවල දී මාස 03 ක් ඇතුළත තමන්ට පුළුවන් certification එකක් ගන්න. අපේ ළමයි හිතලා IT industry එකට එන්න ඔ්නේ. මේ අංශයේ වැටුප් පටන් ගන්නේ රු. 50,000 සිට රු. 190,000 දක්වා. ඒවගේ industry එකකට එනවා කියන්නේ, අපිට තියෙන ඩොලර් ප්‍රශ්න ගැන අපි කතා කරනවා. අවුරුදු 2 ක් ඇතුළත මේ ගොඩාක් දේවල් පොසිටිව් විදියට හරවා ගන්න පුළුවන්. අපි කරන්න ඔ්නේ ඒ දවස්වල කළා වගේ IT industry එකට මහවැලි ප්‍රොජෙක්ට් එකක් කරන්න ඔ්නේ. එන අවුරුදු 4 ඇතුළත 75,000 ක් 80,000 ක් අතර රැකියා අවස්ථා තියෙනවා. කොවිඩ් නිසා වුණු එක දෙයක් IT industry එකේ සීඝ්‍රයෙන්ම ඉල්ලුම වැඩිවුණා. SLASSCOM ඒ වෙනුවෙන් දැන් වැඩ කරනවා. අවුරුදු 4 ඇතුළත 75,000 ක් 80,000 ක්ට රැකියා අවස්ථා දෙන්න පුළුවන්න නම් එක් වෘත්තිකයෙකුට අවුරුද්දකට ඩොලර් 25,000 ක පමණ ආදායමක් අපි බලනවා. එතකොට ඩොලර් බිලියන 5 ක ආදායමකට යන එක අමාරුවක් නෙමෙයි."