ශ්‍රී ලංකාවේ ප්‍රමුඛතම වාණීජ බැංකුවක් වන යුනියන් බැංකුවෙහි අනුබද්ධිත ආයතනයක් වන UB ෆිනෑන්ස් ආයතනය ශ්‍රී ලංකා මහ බැංකුවෙහි ප්‍රාග්ධන මාර්ගෝපදේශයන්ට අනුගත වෙමින් 2020 දෙසැම්බර් 31 වන දින වන විට රුපියල් බිලියන 1.6 ක වටිනාකමකින් යුත් හිමිකම් නිකුතුවකට යොමු වී තිබේ.

යුනියන් බැංකුව විසින් 2011 දී පවරාගැනීමෙන් පසු කෙටි කාලයක් තුළදී පැහැදිලි ප්‍රගතියක් අත්කරගනිමින් මේ වනවිට යූබී ෆිනෑන්ස් ආයතනය දිවයිනේ ප්‍රමුඛතම මූල්‍ය සේවා සැපයුම්කරුවෙකු ලෙස ස්ථාපිත වී තිබේ.

Covid 19 වසංගතය හේතුවෙන් මූල්‍ය සේවා අංශය මුහුණ දී ඇති අභියෝග මධ්‍යයේ වුවද වාණිජ, මූල්‍ය සේවා සහ ගෝලීය ප්‍රවාහන කේන්ද්‍රස්ථානයක් ලෙස ශ්‍රී ලංකාවේ අනාගතය පිළිබඳව යූබී ෆිනෑන්ස් ආයතනය සුභවාදී දැක්මකින් පසු වන අතර මෙම ආර්ථික වර්ධනයට උපකාරී වන පරිදි නව සේවාවන් සහ නූතන තාක්‍ෂණයෙන් යූබී ෆිනෑන්ස් ආයතනය සන්නද්ධ වී ඇත.