header logo

Daily Exchange Rates

Nov 20, 2026
Top News
ශ්‍රී ලංකාව සහ ලිතුවේනියාව අතර ඩිජිටල් ආර්ථික සහයෝගීතාව ශක්තිමත් කිරීම සඳහා ද්විපාර්ශ්වික සාකච්ඡාවක්
ශ්‍රී ලංකාව සහ ලිතුවේනියාව අතර ඩිජිටල් ආර්ථික සහයෝගීතාව ශක්තිමත් කිරීම සඳහා ද්විපාර්ශ්වික සාකච්ඡාවක්
ශ්‍රී ලංකාව සහ ලිතුවේනියා ජනරජය අතර ඩිජිටල් ආර්ථික, තාක්ෂණික සහ රාජ්‍ය පරිවර්තන ක්ෂේත්‍රයන්හි ද්විපාර්ශ්වික සහයෝගීතාව වර්ධනය කරගැනීම පිළිබඳ විශේෂ සාකච්ඡාවක් ඩිජිටල් ආර්ථික නියෝජ්‍ය අමාත්‍ය ඉංජිනේරු එරංග වීරරත්න මහතා සහ ලිතුවේනියා ජනරජයේ විදේශ කටයුතු නියෝජ්‍ය අමාත්‍ය විද්මන්තාස් වර්බික්ස් මහතා ඇතුළු ඉහළ පෙළේ ලිතුවේනියානු නියෝජිත පිරිසක් අතර ඊයේ (ඔක්තෝම්බර් 05) පස්වරුවේ කොළඹ පිහිටි ඩිජිටල් ආර්ථික අමාත්‍යංශ පරිශ්‍රයේදී පැවැත්විණි.
මෙහිදී නියෝජ්‍ය අමාත්‍යවරයා, ලිතුවේනියාව වසර ගණනාවක් පුරා අත්පත් කරගෙන ඇති සුවිශේෂී ඩිජිටල් පරිවර්තනය අගය කළ අතර, ශ්‍රී ලංකාවේ ඩිජිටල් ආර්ථික සැලැස්ම හරහා ඇමරිකානු ඩොලර් බිලියන 5ක ඩිජිටල් ආර්ථික අගයක් ළඟාකර ගැනීමේ ජාතික ඉලක්කය සඳහා මූල්‍ය තාක්ෂණය සහ නව්‍ය ව්‍යවසායකත්වය ප්‍රධාන පදනමක් ලෙස ක්‍රියාත්මක වන බව පෙන්වා දුන්නේය. ඊට ප්‍රතිචාර දක්වමින් ලිතුවේනියානු විදේශ කටයුතු නියෝජ්‍ය අමාත්‍යවරයා සඳහන් කළේ ශ්‍රී ලංකාවේ ඩිජිටල් සැලසුම ඉතා ප්‍රශංසනීය එකක් බවත්, දෙරට අතර දැනුම, කුසලතා සහ බදු ප්‍රතිපත්තිමය පළපුරුද්ද හුවමාරු කරගනිමින් කලාපීය ප්‍රවේශයන් ලෙස ක්‍රියාකිරීමේ විශාල හැකියාවක් පවතින බවත්ය. එමෙන්ම 2027 වසරේ විල්නියස් හි පැවැත්වීමට නියමිත, කෘත්‍රිම බුද්ධිය (AI), සයිබර් ආරක්ෂණය සහ රාජ්‍ය තාක්ෂණ පිළිබඳ අවධානය යොමුකෙරෙන ගෝලීය ඩිජිටල් තාක්ෂණික සමුළුව සඳහා සහභාගී වන ලෙස ශ්‍රී ලංකා රජයට නිල වශයෙන් ආරාධනා කළේය.
රාජ්‍ය අංශයේ පාරදෘශ්‍යභාවය උදෙසා ලිතුවේනියාව ක්‍රියාත්මක කරන විවෘත රාජ්‍ය දත්ත පද්ධතිය පිළිබඳවද, යුරෝ බිලියන 16.4ක වටිනාකමකින් යුතු ලිතුවේනියාවේ සාර්ථක නව්‍ය ව්‍යාපාර පද්ධතිය සහ සම්ප්‍රදායික රාජ්‍ය ප්‍රසම්පාදන බාධාවන්ගෙන් තොරව රාජ්‍ය අංශයේ ගැටලුවලට පෞද්ගලික අංශයේ තාක්ෂණික විසඳුම් ලබාදෙන, ගෝලීය වශයෙන් ඇගයීමට ලක්වූ ලිතුවේනියානු 'GovTech Lab' ආකෘතිය පිළිබඳව ද මෙහිදී කරුණු විස්තර කළහ. ශ්‍රී ලංකාවේ රාජ්‍ය අංශයේ ඩිජිටල් පරිවර්තනය වේගවත් කිරීම උදෙසා මෙරට AI පුහුණු මධ්‍යස්ථානයක් සහ දත්ත මධ්‍යස්ථානය ශක්තිමත් කිරීමේ වත්මන් ප්‍රමුඛතාවයන්ට අනුකූලව, ලිතුවේනියානු GovTech Lab ආකෘතියේ තාක්ෂණික සහාය ලබාගැනීමට දෙපාර්ශ්වයම එකඟතාව පළ කළහ.
2027 වසර වන විට ශ්‍රී ලංකාව තුළ ඩිජිටල් හැඳුනුම්පත (Digital ID) ස්ථාපිත කිරීමේ ප්‍රගතිය සහ ඒ සඳහා විවෘත මූලාශ්‍ර ඩිජිටල් පොදු යටිතල පහසුකම් (DPI) භාවිත කිරීමේ සූදානම පිළිබඳව නියෝජ්‍ය අමාත්‍යවරයා පැහැදිලි කළ අතර, ලිතුවේනියාවේ ජාතික eID පද්ධතිය ස්ථාපිත කිරීමේදී දත්ත ගබඩා කිරීම සහ පාලනය සම්බන්ධයෙන් ලැබූ අත්දැකීම් ද මෙහිදී සාකච්ඡා විය. අධ්‍යාපන ක්ෂේත්‍රයේ කෘත්‍රිම බුද්ධි (AI) භාවිතය සහ 5G සන්නිවේදන යටිතල පහසුකම් පිළිබඳව ද මෙහිදී අදහස් හුවමාරු වූ අතර, ශ්‍රී ලංකාව මේ වන විට 96%ක ප්‍රදේශ ආවරණයක් සහිතව 5G තාක්ෂණය ග්‍රාමීය ප්‍රදේශ වෙත ව්‍යාප්ත කරමින් සිටින බව නියෝජ්‍ය අමාත්‍යවරයා සඳහන් කළේය.
ඉදිරියේදී මූල්‍ය තාක්ෂණ (FinTech) නියාමන රාමූන්, විද්‍යුත් මුදල් ආයතන (EMI) බලපත්‍ර ක්‍රමවේද සහ 5G පෞද්ගලික රාමූන් සම්බන්ධයෙන් ලිතුවේනියානු සන්නිවේදන නියාමන අධිකාරිය (RRT) සමඟ තාක්ෂණික මට්ටමේ සාකච්ඡා ආරම්භ කිරීමටත්, දෙරට අතර සයිබර් ආරක්ෂණය සහ ඩිජිටල් ආර්ථික සහයෝගීතාව තවදුරටත් ශක්තිමත් කරගැනීමටත් මෙහිදී එකඟ විය.
මෙම සාකච්ඡාව සඳහා ලිතුවේනියානු පාර්ශ්වය නියෝජනය කරමින් ශ්‍රී ලංකාවේ ලිතුවේනියානු තානාපතිනි Diana Mickevičienė, නියෝජ්‍ය තානාපති Lukas Kisielius සහ ලිතුවේනියානු විදේශ කටයුතු අමාත්‍යාංශයේ Kristina Bikauskaitė යන මහත්ම මහත්මීන් එක්ව සිටි අතර, ශ්‍රී ලංකා පාර්ශ්වය නියෝජනය කරමින් ඩිජිටල් ආර්ථික අමාත්‍යාංශයේ අධ්‍යක්ෂ (සංවර්ධන හා ප්‍රතිපත්ති) ජනක ගීකියනගේ, ඩිජිටල් ආර්ථික අමාත්‍යංශ; උපදේශක සුමුදු රත්නායක යන මහත්ම මහත්මීන් සහභාගී වූහ.

MostRead

වීඩියෝපුවත්

අයවැය පසුවිපරම: Derana 360 | ආචාර්ය හර්ෂ ද සිල්වා

අයවැය පසුවිපරම: Derana 360 | ආචාර්ය හර්ෂ ද සිල්වා

“දැනගමු, ඉගෙනගමු, ආයෝජනය කරමු” “සැමට කොටසක්”: ක්‍රියාත්මක වෙන්නේ මෙහෙමයි

“දැනගමු, ඉගෙනගමු, ආයෝජනය කරමු” “සැමට කොටසක්”: ක්‍රියාත්මක වෙන්නේ මෙහෙමයි

Derana 360 | අයවැය දින විශේෂ 360 වැඩසටහන | ආචාර්ය අනිල් ජයන්ත සමඟ

Derana 360 | අයවැය දින විශේෂ 360 වැඩසටහන | ආචාර්ය අනිල් ජයන්ත සමඟ

BUDGET 2027 | අයවැය විශේෂ වැඩසටහන

BUDGET 2027 | අයවැය විශේෂ වැඩසටහන

BUDGET 2027 | අයවැය විශේෂ වැඩසටහන

BUDGET 2027 | අයවැය විශේෂ වැඩසටහන

BUDGET 2027 | අයවැය විශේෂ වැඩසටහන

BUDGET 2027 | අයවැය විශේෂ වැඩසටහන

TIN අංකය අනිවාර්ය කිරීම කල් දැමීම ගැන පැහැදිලි කිරීමක්

TIN අංකය අනිවාර්ය කිරීම කල් දැමීම ගැන පැහැදිලි කිරීමක්

REBUILD SRI LANKA | ආර්ථිකය වැල්පාලමේද..? | 2026.10.29

REBUILD SRI LANKA | ආර්ථිකය වැල්පාලමේද..? | 2026.10.29

BIG FOCUS | බදු වාර්තා භාරදීම ජනතා යුතුකම හා වගකීම | 2026.10.19

BIG FOCUS | බදු වාර්තා භාරදීම ජනතා යුතුකම හා වගකීම | 2026.10.19

BIG FOCUS | අපනයන ආදායම් වර්ධනයේ ඉබිගමන | 2026.10.28

BIG FOCUS | අපනයන ආදායම් වර්ධනයේ ඉබිගමන | 2026.10.28

Stock Market

Market Closed

Nov 12, 2026 - 10:45 PM

Share Volume

87,120,154

Turnover

2,975,051,491.55

ASPI

22,157.40

124.470.56%
S&P SL20

6,365.57

16.570.26%