යම්කිසි කොන්දේසි කිහිපයකට යටත්ව යළිත් නව ආණ්ඩුව යටතේ ඇමති ධූරයක් භාරගැනීමට තමන් සූදානම් බව පාර්ලිමේන්තු මන්ත්‍රී ධම්මික පෙරේරා මහතා පවසයි. ඊයේ (29) විකාශය වූ “දෙරණ 360“ සජීවී සංවාදාත්මක වැඩසටහන සමඟ එක්වෙමින් ඔහු මේ බව පැවසීය.

ඔහු වැඩිදුරටත් කියා සිටියේ සාමාන්‍ය අමාත්‍ය ධූරයක් ලබා දෙනවාට වඩා පවතින ආර්ථික අර්බුදය කළමනාකරණය කිරීමට අවස්ථාවක් ලබා දෙන්නේ නම් පමණක් යළි අමාත්‍ය ධූරයක් භාර ගන්නා බවයි.

මම මේ economy එකේ තියන crisis එක manage කරන එක තමයි හිටපු ජනාධිපතිතුමාත් එක්ක කතා කරලා ආවේ.  මම ගියායින් පස්සේ නමුත් මම මේ ජනාධිපතිතුමාටත් කියලා තියනවා crisis එක manage කරන්න දෙනවා නම් මම ආයිත් ආණ්ඩුවේ ඇමති ධූරයක් ගන්නවා. නැතුව මට minister කමක් නිකන් එකක් දුන්නට මට වැඩක් නැහැ. මට ඒකත් ඔය වගේ දවස් 10ක වැඩක් වෙන්න පුලුවන්. ඒ කියන්නේ economic development කියන කෑල්ල දාලා දෙන්න ඕන. 

ප්‍රශ්නය - ඒ කියන්නේ මුදල් අමාත්‍යාංශය වගේ ද? 

මුදල් අමාත්‍යාංශයට තියනවනේ day to day වැඩ. ඒකට ගියාම ඒ මිනිස්සු එන, හම්බෙන්න එන ඒවත් එක්ක නිදහසේ මනස තියාගෙන ඒක කරන්න බැහැ. මනසේ නිදහස තියෙන්න එපැයි. මම ඒක හින්දා ඒකත් ඉල්ලලා නැහැ. 

ප්‍රශ්නය - ඇමති ධූරය අත්හරින ධම්මික පෙරේරා ඇයි මන්ත්‍රී ධූරය අත්හරින්නේ නැත්තේ, අච්චර ලොකු දෙයක් අත්හැරපු කෙනා ඇයි මෙච්චර පොඩි දෙයක්? 

අරකේ economic කෑල්ලේ parliament එකට මන්ත්‍රී report එකක් එන්නේ නැහැ. parliament එකට නෙවෙයි ඔයාට දකින්න හම්බෙන්නෙත් නැහැ. රටේ interest cost එක කීයද කියලා කවුරුත් දන්නෙත් නැහැ. මේ ඔක්කොම මාස තුනේ report තියෙන්නේ. මම ඉදිරියේ දී, මොකද මම එතුමත් එක්ක previous government එකේ දී ගෝඨාභය රාජපක්ෂ ජනාධිපතිතුමාත් එක්ක මම දෙවනි cabinet එකකුත් සුමානෙට දාන්න තමයි කතා වෙලා තිබුනේ. එතකොට ඒ කතා කරපු document ටික මම කොහොම හරි සුමානයකට සැරයක් පාර්ලිමේන්තුවට ගෙන්න ගන්න මම හදාගෙන යනවා. 

ප්‍රශ්නය - ඉදිරියේ දී ජනාධිපතිවරයා ආරාධනා කළොත් ඔබටතුමාට අමාත්‍ය ධූරයක් භාරගන්න,  ආර්ථිකය සම්බන්ධ යම්කිසි වැඩ කොටසක් කරන්න , පිළිගන්නවාද? 

ඔව් මම පිළිගන්නවා.

ප්‍රශ්නය - ඒකේ දෙගිඩියාවක් නැහැනේ?

ඒකේ දෙගිඩියාවක් නැහැ.