කොළඹ කොටස් වෙළෙඳපොළ ගනුදෙනු අද (24) දිනයේ දී පසුගිය දින කිහිපයට සාපේක්ෂව වඩාත් සක්‍රීය ස්වභාවයක් ගනු ලැබීය. පසුගිය සතිය තුළ දී අඛණ්ඩව දින 5 ක් තුළ කොටස් වෙළෙඳපොළ පහළ යාම හේතුවෙන් සියලු කොටස් මිල දර්ශක අගය ඒකක 7,000 සීමාවෙන් මෙපිටට පැමිණි අතර අද දිනයේ දී ඒකක 156.55 ක වර්ධනයක් වාර්තා කරමින් එය යළිත් වරක් ඒකක 7,000 කඩඉම ඉක්මවා යන ලදී.

මේ අනුව දිනය අවසානයේ දී සියලු කොටස් මිල දර්ශකය ඒකක 7,135.84 ක් ලෙසින් වාර්තා විය.

දිනය තුළ රු. බිලියන 1.55 ක පිරිවැටුමක් වාර්තා වී තිබුණි.