ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව විසින් රු. මිලියන 130,000 ක භාණ්ඩාගාර බිල්පත් වෙන්දේසියක් ඊයේ (27) දිනයේ දී කැඳවා තිබුණි.

මේ සඳහා රු. මිලියන 185,745 ක ලංසු ලැබී තිබුණ ද එහි දී පිළිගෙන තිබුණේ රු. මිලියන 55,434 ක ලංසු ප්‍රමාණයක් පමණි. එනම් වෙන්දේසියට ඉදිරිපත් කළ ප්‍රමාණය මෙන් 42% කි.

එක් එක් පරිණත කාලයන්ට අදාළ ඵලදා අනුපාතිකයන් ද පූර්ව වෙන්දේසියේ දී තීරණය වූ මට්ටම්වලම නොවනෙස්ව පැවතුණි.

ශ්‍රී ලංකා රජය විසින් දේශීය ණය ප්‍රශස්ථකරණය සම්බන්ධයෙන් අවසාන තීරණයකට පැමිණීම සඳහා හෙට (29) දින සිට දින 5 ක කාලයක් වෙන් කර තිබෙන අතර මෙය ඊට පෙර පැවති අවසාන භාණ්ඩාගාර බිල්පත් වෙන්දේසියයි.

වෙන්දේසිය සඳහා ඉදිරිපත් කර තිබුණු භාණ්ඩාගාර බිල්පත් ප්‍රමාණය හා සැසඳීමේ දී ඉන් භාගයක ප්‍රමාණයකට හෝ ලංසු පිළිගෙන නොතිබීම මෙහිදී තීරණාත්මක කරුණක් වේ.