නව්‍ය බැංකුකරණ විසඳුම් තුළින් සුළු හා මධ්‍ය පරිමාණ ව්‍යවසායකයින් ඇතුළු සුවහසක් ප්‍රගතිශීලී ශ්‍රී ලාංකිකයින්ගේ නූතන අවශ්‍යතාවන් සපුරාලමින් දේශීය ආර්ථිකය සවිමත් කිරීමේ සුපැහැදිලි දැක්මක් මත ගොඩනැඟුණු SDB බැංකුව මෙම අගෝස්තු මස සිය සාඩම්බර 26 වැනි සංවත්සරය සමරයි. සියවසකින් කාර්තුවකට අධික කාලයක් පුරා ශ්‍රී ලාංකිකයින් සහ ප්‍රජාවන් සවිබල ගන්වමින් ඒ හරහා ආර්ථික සමෘද්ධියට දේශය මෙහෙයවූ SDB බැංකුව වටිනාකම් පෙරදැරි කරගත් බැංකුකරණයට හොඳම උදාහරණයකි. තවත් ජයග්‍රාහී වසරක ආරම්භය සනිටුහන් කරන මේ මොහොතේදී SDB බැංකුව පසුගිය වසර 26 පුරා අඛණ්ඩ ප්‍රගතිය සහ තිරසාරත්වය වෙනුවෙන් කළ නොසැලෙන කැපවීම් සාඩම්බරයෙන් සිහිපත් කර සිටී.

SDB බැංකුව ආරම්භයේ සිටම ප්‍රගතිය සහ සවිබල ගැන්වීම වෙනුවෙන්ම කැප වී සිටි බැංකුවකි. බැංකුවේ සමාරම්භය පදනම් වන ප්‍රතිපත්ති අනුව යමින් සිය ගනුදෙනුකරුවන් හා සවිමත් සබඳතාවයක් ගොඩනගා ගෙන ඇති SDB බැංකුව ඔවුන්ගේ ජීවිතවල ජයග්‍රාහී සහ අභියෝගාත්මක කාල පරිච්ඡේදයන් තුළ එක ලෙස නොවෙනස්ව ඔවුනට සවියක්ව සිට ඇත.

26 වැනි සංවත්සරය සමරන මේ මොහොතේදී SDB බැංකුව සම්බන්ධයෙන් වඩාත්ම සුවිශේෂී කරුණ වශයෙන් අවධානයට ලක් වන්නේ සිය ගනුදෙනුකරුවන්ගේ නිතර වෙනස්වන අවශ්‍යතාවයන්ට සරිලන නව්‍ය විසඳුම් ඉදිරිපත් කිරීමට බැංකුව දක්වා ඇති මහත් කැපවීමයි. බැංකු ක්ෂේත්‍රය විප්ලවීයකරණය කරන නව තාක්ෂණික පෙරළි සම්බන්ධයෙන් නිරන්තර අවධානය යොමු කරන SDB බැංකුව ඉතා සාර්ථකව එම නවීන තාක්ෂණික නව්‍යකරණයන් සිය සේවාව ඉහළ නැංවීමට යොදා ගෙන ඇත. එහි ප්‍රතිඵලයක් වශයෙන් ඩිජිටල්කරණය හා නව තාක්ෂණය යොදා ගැනීම අතින් වර්තමාන බැංකු ක්ෂේත්‍රය තුළ ඉහළම තැනක රැඳීමට SDB බැංකුවට හැකියාව ලැබී ඇත. වඩාත් වැදගත් වන්නේ ඒ හරහා බැංකුවේ ගනුදෙනුකරුවන් වෙත ඩිජිටල් ප්‍රතිලාභ නොඅඩුව ලබා දීමට SDB බැංකුවට හැකි වීමයි.

එමෙන්ම 26 වැනි සංවත්සරය සමරන මේ මොහොතේදී සිය සාර්ථකත්වයට සුවිසල් දායකත්වයක් දුන් සමූපාකාර ජාලයද SDB බැංකුව කෘතඥතා පෙරදැරිව සිහිපත් කර සිටී. SDB බැංකුවට සවිමත් පදනමක් දැමූ සමූපාකාර ජාලයද SDB බැංකුවද සිය අන්‍යෝන්‍ය සහයෝගීතාවය හරහා දැවැන්ත ජයග්‍රහණ රැසක් අත්පත් කරගෙන ඇති අතර වඩාත් සුවිශේෂී වන්නේ ඒ හරහා ශ්‍රී ලාංකික ප්‍රජාවන්ට සැලසුණු මෙහෙයයි.

SDB බැංකුව මෙතෙක් කල් ලැබූ සාර්ථකත්වයේ ප්‍රධානතම ඉලක්ක දෙක වන ගනුදෙනුකරුවන්ගේ නොබිඳෙන විශ්වාසය සහ කාර්යමණ්ඩලයේ අද්වීතීය කැපවීම උත්කර්ෂයට නංවමින් 26 වැනි සංවත්සර සැමරුම ‘Enriched through Partnerships’ හෙවත් “වත්කම් බැඳුණු හිතවත්කම්” යන තේමාව යටතේ පැවත්වීමට SDB බැංකුව කටයුතු යොදා ඇත.

මෙම තේමාව යටතේ ‘සහයෝගීතාවය’, ‘සහෘදත්වය’ සහ ‘කැපවීම’ වශයෙන් විවිධ වටිනාකම් කේන්ද්‍ර කරගත් ක්‍රියාකාරකම් රැසක් සංවත්සර සැමරුම යටතේ පැවත්වීමට SDB බැංකුව කටයුතු යොදා ඇත. මේ අතරට SDB බැංකුවේ ප්‍රජා මූලික ගුණය ප්‍රකට කරන ක්‍රියාකාරකම් රැසක් අයත් වන අතර ප්‍රධාන කාර්යාලයේ පවත්වන ලද ලේ දන් දීමේ කඳවුර සහ දේවහන්දිය විද්‍යාලයේ තොරතුරු තාක්ෂණ මධ්‍යස්ථානයක් විවෘත කිරීම ඒ අතරින් ප්‍රමුඛ වේ.

SDB බැංකුව විසින් පවත්වන ලද 26 වැනි සංවත්සර සැමරුම් උත්සවය SDB පවුලේ සියලු සාමාජිකයින් අතර සුහදත්වය සහ සහෘදත්වය වර්ධනය කළ අවස්ථාවක් වූ අතරම එය SDB බැංකුවේ සාර්ථකත්වයට උරදුන් සියලු දෙනා නිසි ඇගයීමට පාත්‍ර කළ අවස්ථාවක්ද විය. ඒ අනුව එහිදී වසර 25 ක සේවය සම්පූර්ණ කළ සියලු සේවක මහත්ම මහත්මීන් හට ඔවුන්ගේ කැපවීම අගය කරමින් විශේෂ රන් සැමරුම් කාසි සමරු සටහන් වශයෙන් තිළිණ කෙරිණි. 

ආරම්භයේ සිට මේ දක්වා SDB බැංකුව ශ්‍රී ලංකාවේ ආර්ථිකයේ ප්‍රගමනය වෙනුවෙන් කැපවීමෙන් නොපිරිහෙළා ඉටු කරන ලද මෙහෙවර සුවිශේෂී වන්නේය. නිරන්තරයෙන්ම වෙනසට මුල පුරන, පැහැදිලි අනාගත දැක්මක් හඹා යන බැංකුවක් වශයෙන්, සාම්ප්‍රදායික බැංකුවක සීමාවන්ට නතු නොවී,   තිරසාරත්වය ඉලක්ක කරගත් ක්‍රියාකාරකම් කෙරෙහි දැඩි අවධානයක් යොමු කිරීම SDB බැංකුව සම්බන්ධයෙන් කැපී පෙනෙන විශේෂත්වයකි. සුලු හා මධ්‍ය පරිමාණ ව්‍යවසායකයින්ගේ සිට දැවැන්ත ව්‍යාපාර දක්වා සමාජයේ සෑම තරාතිරමකම, සෑම දෙනාගේම සිහින සැබෑ කරවන සවිය බවට පත් වීමට මේ නිසා SDB බැංකුවට හැකි වී ඇත.

ගෙවුණු වසර 26 පුරා මෙන්ම ඉදිරියේදීත් සිය මූලික අරමුණු වන දේශයේ ප්‍රගතියට උර දීම සහ සියලු දෙනා සම්බන්ධ කර ගත් බැංකුකරණයක් නිර්මාණ කිරීම වෙනුවෙන් සිය නොබෙදුණු අඛණ්ඩ අවධානය යොමු කිරීමට SDB බැංකුව අපේක්ෂා කරයි. පෙරදී මෙන්ම ඉදිරියේදීත් සුවහසක් ශ්‍රී ලාංකිකයින්ගේ සහ ශ්‍රී ලාංකික ව්‍යාපාරවල එකම තෝරා ගැනීම වශයෙන් ඔවුනට සවියක් වෙමින් ජයග්‍රාහී මාවත කරා ගෙන යාමට SDB බැංකුව කැප වෙනු ඇත. මේ ඉදිරි ගමනේදී තමන් හා එක්ව ආර්ථිකමය වශයෙන් සමෘද්ධිමත් මෙන්ම සමාජයීය හා පාරිසරික වශයෙන් තිරසාර අනාගතයක් ගොඩ නැගීමට අත්වැල් බැඳගන්නා ලෙස SDB බැංකුව සියලු පාර්ශ්වකරුවන්ට ආරාධනය කර සිටී.

වේගයෙන් වෙනස් වෙන බැංකු ක්ෂේත්‍රය තුළ සිය වටිනාකම් රැකගෙන ප්‍රගතිය හා තිරසාරත්වය කරා ගමන් කිරීමට SDB බැංකුව දක්වන කැපවීම අද්වීතීයයි. සිය 26 වසරක ගමන් මගෙහි නව පරිච්ඡේදයක් අරඹන SDB බැංකුව ගෙවුණු කාලය පුරාවට සිය පාර්ශ්වකරුවන් සමඟ ගොඩනඟා ගත් සබඳතා සහ ඔවුන් හා එක්ව සැබෑ කරගත් සිහින ගැන මතකයන් සාඩම්බරයෙන් ආවර්ජනය කරන අතර වඩා පැහැබර අනාගතයක් ගැන විශ්වාසයෙන් ඉදිරියට යාමට තිරව අදිටන් කරයි.