April, 13, 2022
මේ වන විට විදෙස්ගත ශ්‍රී ලාංකිකයින් වෙතින් මෙරටට විදේශ විනිමය පරිත්‍යාග කිරීම වෙනුවෙන් විශාල ඉල්ලීම් ප්‍රමාණයක් ලැබී ඇති බවත් ඒ වෙනුවෙන් භාරකාර මණ්ඩලයක් යටතේ ශ්‍රී ලංකා මහ බැංකුවේ විශේෂ ගිණුමක් ආරම්භ කිරීමට කටයුතු කරනු ලබන බවත් ශ්‍රී ලංකා මහ බැංකු අධිපති ආචාර්ය පී. නන්දලාල් වීරසිංහ මහතා පවසයි.
අද (12) පෙරවරුවේ පැවති මාධ්‍ය හමුවක දී අධිපතිවරයා මේ බව ප්‍රකාශ කළේය.
විශාල ඉල්ලීම් ප්‍රමාණයක් ලැබිලා තියෙනවා, විදේශගත ශ්‍රමිකයින් කැමතියි කියලා, සුනාමි කාලේ, කොවිඩ් කාලේ වගේ මේ රටට උදව් කරන්න, විදේශ විනිමය පරිත්‍යාගවලින්. පුද්ගලිකව තමාගේ පවුල්වලට මුදල් එවනවාට අමතරව රටට කරන තැන්පතුවක් කරන්න තියෙනවා නම්, අපිට දැනුම් දීලා තියෙනවා ශ්‍රී ලංකා මහ බැංකුවේ ගිණුමක් තිබුණොත්, ඒගොල්ලෝ කැමතියි කියලා විවෘත, පාරිදෘශ්‍ය විදියට මේකට එන මුදල කොපමණද, කොපමණ ලැබුණාද, කොහොමද පාවිච්චි කරන්නේ කියන එක තියෙනවා නම් මේ වෙලාවේ රටේ ජනතාවට සහයෝගයක් ලැබෙන විදියට අත්‍යාවශ්‍ය බඩු හිඟය අඩු කරන්න, විශාල ඉල්ලීම් රාශියක් ලැබිලා තියෙනවා.
ඒ වෙනුවෙන් අපි දැන් විශේෂ ගිණුමක් ලැහැස්ති කරනවා ශ්‍රී ලංකා මහ බැංකුවේ, ඒ ගිණුමට භාරකාර මණ්ඩලයක් පත්කරලා විනිවිද පෙනෙන ආකාරයට එම මුදල් කොහොමද ගෙනාවේ, කොහොමද පාවිච්චි කළේ කියන ආකාරය දැන ගැනීමට ක්‍රමවේදයක් සකස් කරලා අපි බලාපොරොත්තු වෙනවා ඉතා ළඟදීම එය නිවේදනය කරන්න.
Video Story
