ඉදිරියේ දී රාජ්‍ය සමාගම් දෙකක් කොටස් වෙළෙඳපොළේ ලැයිස්තුගත වනු ඇති බව කොළඹ ව්‍යාපාර වස්තු හුවමාරුවේ ප්‍රධාන විධායක නිලධාරී රජීව බණ්ඩාරනායක මහතා පවසයි. ඒ මහතා මේ බව කියා සිටියේ අද දෙරණ Biz සමඟ විශේෂ සම්මුඛ සාකච්ඡාවකට එක්වෙමිනි.

“රාජ්‍ය සමාගම් කොටස් වෙළෙඳපොළට ගැනීම සඳහා රජය මේ වන විට කටයුතු කරමින් යනවා. අපට ඉදිරියේ දී බලාපොරොත්තු වෙන්න පුළුවන් අඩුතරමින් එවැනි සමාගම් දෙකක් හරි කොටස් වෙළෙඳපොළට සම්බන්ධ වෙයි කියලා. ඒ වගේම පුද්ගලික අංශයේ සමාගම් කිහිපයක්ම කොටස් වෙළෙඳපොළට සම්බන්ධ කරගන්න අපි බලාපොරොත්තු වෙනවා. වසරේ අවසාන කාර්තුවේ දී මූලික කොටස් නිකුතු කිහිපයක් අපිට දකින්න ලැබේවි“, යැයි බණ්ඩාරනායක මහතා පැවසීය.

මෙම සම්පූර්ණ සම්මුඛ සාකච්ඡාව පහතින් නැරඹිය හැකිය.