2023 දෙසැම්බර් මාසයේ දින 28 ක කාලයක් තුළ ශ්‍රී ලංකාවට පැමිණ ඇති විදෙස් සංචාරකයින් සංඛ්‍යාව 189,605 ක් බව ශ්‍රී ලංකා සංචාරක සංවර්ධන අධිකාරිය නිල වශයෙන් නිවේදනය කර සිටී.

මේ අනුව 2023 වසරේ දෙසැම්බර් 28 දින දක්වා කාලපරිච්ඡේදය තුළ දී මෙරටට පැමිණ තිබෙන සමස්ත සංචාරකයින්ගේ ප්‍රමාණය 1,466,556 ක් දක්වා ඉහළ ගොස් ඇත.

මේ අතර සංචාරක අමාත්‍ය හරින් ප්‍රනාන්දු මහතා ඊයේ දින X සටහනක් තබමින් කියා සිටියේ 2023 දෙසැම්බර් මාසය තුළ පැමිණ ඇති විදෙස් සංචාරකයින්ගේ ප්‍රමාණය දෙලක්ෂයේ සීමාව ඉක්මවා ගොස් ඇති බවයි.

Tourist arrivals pass 200,000 in December highest arrival for the last four years in one month total arrivals will be almost close to 1.5 million which was the original target set in Jan 2023. #visitsrilanka #srilankayoullcomebackformore

— Harin Fernando (@fernandoharin) December 30, 2023

ඒ අනුව ඊයේ (30) සහ අද (31) දින මෙරටට පැමිණෙන සංචාරකයින් ප්‍රමාණය පිළිබඳ දළ ඇස්තමේන්තුවක් සිදුකළ හොත් 2023 වසර ආරම්භයේ ඉලක්කය වූ ලක්ෂ 15 ක සංචාරක පැමිණීමක් පිළිබඳ සතුටුදායක අපේක්ෂාවක් නිසැකවම තබා ගත හැකි වනු ඇත.