2023 ජූනි මාසය අවසාන වන විට ශ්‍රී ලංකා මහ බැංකුව සතු නිල සංචිත වත්කම්වල වටිනාකම එක්සත් ජනපද ඩොලර් මිලියන 3,724 ක් බව ශ්‍රී ලංකා මහ බැංකුව පවසයි.

පසුගිය 2023  අගෝස්තු 04 දින නිකුත් කරන ලද සතිපතා ආර්ථික දර්ශක වාර්තාවෙහි මේ බව සඳහන් වේ. ඊට අනුව 2023 මැයි මාසයට සාපේක්ෂව 2023 ජූනි මාසයේ දී නිල සංචිත වත්කම් 6.7% කින් වැඩි වී ඇත.

කෙසේවෙතත් ඊට පෙර සතියේ, එනම් 2023 ජූලි 28 දින මහ බැංකුව විසින් නිකුත් කරන ලද සතිපතා ආර්ථික දර්ශක වාර්තාවට අනුව නිල සංචිත වත්කම් වටිනාකම වාර්තා වන්නේ ඩොලර් මිලියන 3,468 ක් ලෙසිනි. එය 2023 මැයි මාසයට සාපේක්ෂව 0.7%ක සුළු පහළ යාමකි.

මේ අතර 2023 ජූනි මාසෙය් විදේශීය අංශයේ ක්‍රියාකාරීත්ව වාර්තාව නිකුත් කරමින් මහ බැංකුව පවසන්නේ, දළ නිල සංචිත 2023 වසරේ මැයි මස අවසානය වන විට පැවති එක්සත් ජනපද ඩොලර් බිලියන 3.5ට සාපේක්ෂව 2023 ජූනි මස අවසානය වන විට එක්සත් ජනපද ඩොලර් බිලියන 3.7ක් දක්වා ඉහළ ගොස් ඇති බවයි. ජූනි මාසය අවසානයේ දී ලෝක බැංකුව වෙතින් ලද එක්සත් ජනපද ඩොලර් මිලියන 250ක පමණ ලැබීම් මෙම වැඩිවීම සඳහා ප්‍රධාන වශයෙන් හේතු වී ඇති බව මහ බැංකුව වැඩිදුරටත් සඳහන් කර සිටී.

2023 අගොස්තු 04 දින නිකුත් කරන ලද සතිපතා ආර්ථික දර්ශක වාර්තාවෙහි, නිල සංචිත වත්කම් වටිනාකම දැක්වෙන අයුරු,

2023 ජූලි 28 දින නිකුත් කරන ලද සතිපතා ආර්ථික දර්ශක වාර්තාවෙහි, නිල සංචිත වත්කම් වටිනාකම දැක්වෙන අයුරු,