කොළඹ කොටස් වෙළෙඳපොළ සියලු කොටස් මිල දර්ශකය අද (27) දිනයේ දී ඉතිහාසයේ පළමු වරට ඒකක 15,500 සීමාව පසුකර යෑමට සමත් විය.

ඒ අනුව ඉතිහාසයේ ඉහළම අගය යළිත් වරක් අලුත් කරමින් සියලු කොටස් මිල දර්ශකය ඒකක 135.07කින් ඉහළ ගොස් ඒකක 15,535.60ක් ලෙසින් සටහන් වූ අතර මෙය පෙර දිනයට සාපේක්ෂව 0.88% ක ඉහළ යාමකි.

මේ අතර S&P SL20 දර්ශකය ද ඒකක 64.25 කින් හෙවත් 1.40% කින් අද දින ඉහළ ගිය අතර දිනයේ ගනුදෙනු අවසානයේ දී එහි අගය ඒකක 4,666.65 ක් ලෙසින් සටහන් වුණි.

රු. බිලියන 9.81 ක ගනුදෙනු පිරිවැටුමක් අද දින වාර්තා විය.