ඉදිරි කාලය සඳහා නව ඉදිකිරීම් කටයුතු පැවතීම පිළිබිඹු කරමින් නව ඇණවුම් දර්ශකය අඛණ්ඩව ඉහළ ගොස් ඇත.

විශේෂයෙන්ම ඉදිකිරීම් ද්‍රව්‍ය මිල පහත වැටීම වැනි හිතකර වෙළෙඳපොළ වාතාවරණ හේතුවෙන් පෞද්ගලික ආයෝජකයින් ද ඉදිකිරීම් ව්‍යාපෘති කෙරෙහි වැඩි උනන්දුවක් දක්වන බව ප්‍රතිචාර දැක්වූ බොහෝ දෙනෙක් ප්‍රකාශ කරයි.

තවද, ඉදිකිරීම් ක්‍රියාකාරකම් වර්ධනය වීමත් සමග මෙම මාසය තුළ දී තොග මිලදී ගැනුම් ප්‍රමාණය ඉහළ ගොස් ඇත.

කෙසේ වෙතත්, සමාගම් ඔවුන්ගේ බඳවා ගැනීම් සම්බන්ධව තවදුරටත් සැළකිලිමත් ලෙස කටයුතු කරන බව පිළිබිඹු කරමින් සේවා නියුක්ති දර්ශකය මෙම මාසයේ දී ද පහත වැටුණි. මේ අතර, ඇණවුමක් සැපයීමට සැපයුම්කරුවන්ට ගතවන කාලය ඔක්තෝබර් මාසයේදී තවදුරටත් ඉහළ ගොස් ඇත.