බදු ක්‍රමය සරල කිරීමේ අරමුණු ඇතිව බදු වර්ග කිහිපයක් ඉවත් කිරීමට රජය විසින් පියවර ගෙන තිබේ. මේ අනුව කොටස් ගනුදෙනු සඳහා මෙතෙක් අය කරන ලද එක් ගනුදෙනුවක් සඳහා වූ 0.3% බද්ද ඉවත් කර තිබේ.

මීට අමතරව ඉදිකිරීම් කර්මාන්ත ඇපකර අරමුදල් බදු, සුඛෝපභොගී හා අර්ධ සුඛෝපභෝගී වාහන බදු, සංචාරක සංවර්ධන බදු හා සංස්ථාපිත ආදායම් බදු යන බදු වර්ග ඉවත් ද කිරීමට කටයුතු කරන බව මුදල් අමාත්‍යවරයා සිය අයවැය කතාවේදී පැවසීය.

කොටස්කරුවන්ට සිය අයෝජනයට සරිලන ලෙස ලාභාංශ ලැබීම තහවුරු කිරීම සඳහා ලැයිස්තුගත සමාගම් බෙදාහරිනු ලබන අවම ලාභාංශය, බෙදාහැරිය හැකි ලාභයෙන් 15% ක් දක්වා ඉහළ දැමීමට ද මෙහිදී පියවර ගෙන තිබේ.

එසේම රජය, කොටස් වෙළෙඳපොළේ අසාමූහිකරණ (Demutualization) කටයුතු ඉක්මනින් අවසන් කිරීමට පියවර ගන්නා බවද මුදල් අමාත්‍යවරයා පැවසීය.