කොළඹ කොටස් වෙළෙඳපොළ ගනුදෙනු පද්ධතියේ ඇති වූ දෝෂයක් හේතුවෙන් අද පෙරවරුවේ දෛනික ගනුදෙනු ආරම්භය මිනිත්තු 10 කින් ප්‍රමාද වී තිබේ.

මේ අනුව පෙරවරු 9.00 සිට 9.30 දක්වා වන පූර්ව ඇණවුම් කාලපරිච්ඡේදය (Open Auction call session) පෙරවරු 9.40 දක්වා මිනිත්තු 10 කින් දීර්ඝ වී ඇත.

කෙසේ වෙතත් දෛනික වෙළෙඳපොළ ගනුදෙනු පෙරවරු 9.40 ට ආරම්භ වී තිබේ.

කොළඹ කොටස් වෙළෙඳපොළ, ගනුදෙනු සඳහා පෙරවරු 9.30 සිට පස්වරු 2.30 දක්වා විවෘත වන අතර පෙරවරු 9.00 සිට 9.30 දක්වා කාලය තුළ පූර්ව ඇණවුම් (Pre orders) තැබීමේ අවස්ථාව ඇත.