කොළඹ කොටස් වෙළෙඳපොළ මිල දර්ශකයන් හි කැපීපෙනෙන වර්ධනයක් අද දිනයේ දීද දැකගත හැකි විය.

එහිදී සියලු කොටස් මිල දර්ශකය ඒකක 93.07 කින් ඉහළ ගොස් ඒකක 12,863.65 ක් ලෙසත් S&P SL20 දර්ශකය ඒකක 15.01 කින් ඉහළ ගොස් ඒකක 3,879.33 ක් ලෙසත් දිනය අවසානයේ දී සටහන්ව තිබුණි.

මෙල්ස්ටාකෝප්, HNB, රිචඩ් පීරිස් ඇන්ඩ් කම්පැනි සහ LOLC හෝල්ඩිංග්ස් යන සමාගම්වලින් අද දින සියලු කොටස් මිල දර්ශකයේ වර්ධනයට ඉහළ දායකත්වයක් ලැබී තිබුණි.

අද දින රු. බිලියන 4.92 ක ගනුදෙනු පිරිවැටුමක් වාර්තා විය.

එහිදී දේශීය මිල දී ගැනීම් රු. බිලියන 4.88 ක් හා දේශීය විකිණුම් රු. බිලියන 4.89 ක් ලෙසින් සටහන් වුණි.

විදෙස් ආයෝජකයින්ගේ සහභාගීත්වය අද දිනයේ දීද ඉතා පහළ මට්ටමක පැවති අතර අද දින විදේශීය මිල දී ගැනීම් රු. මිලියන 36 ක් හා විදේශීය විකිණුම් රු. මිලියන 26 ක් ලෙසින් සටහන්ව තිබුණි.

අද දින සිටිසන් ඩිවලොප්මන්ට් බිස්නස් ෆිනෑන්ස් පීඑල්ස් (CDB) හි රු. බිලියන 2.22 ක ගිවිසාගනු ලැබූ කොටස් ගනුදෙනුව හරහා දෛනික පිරිවැටුටම ඉහළ දායකත්වයක් ලැබී තිබුණි.

මීට අමතරව DFCC (රු. මිලියන 312), HNB (රු. මිලියන 348), පෑන්ඒෂියා බැංකුව (රු. මිලියන 162) හා ඇක්සෙස් ඉංජිනියරින් ( රු. මිලියන 118) යන සමාගම් අද දින ඉහළ පිරිවැටුම් වාර්තා කළ සමාගම් විය.