අද (14) දිනයේ දී කොළඹ කොටස් වෙළෙඳපොළ මිල දර්ශකවල සැලකිය යුතු මට්ටමේ පහළ යාමක් වාර්තා විය.

එහිදී සියලු කොටස් මිල දර්ශක අගය ඒකක 47.81කින් පහළ ගිය අතර S&P SL20 දර්ශකය ඒකක 25.87 කින් පහළ යන ලදී.

ඒ අනුව දිනයේ ගනුදෙනු අවසානයේ දී සියලු කොටස් මිල දර්ශක අගය ඒකක 12,246.22 ක් ලෙසත් S&P SL20 දර්ශක අගය ඒකක 3,614.78 ක් ලෙසත් සටහන්ව තිබුණි.

අද දින දෛනික ගනුදෙනු පිරිවැටුම රු. බිලියන 1.45 ක් ලෙසින් වාර්තා වූ අතර එහිදී දේශීය මිල දී ගැනීම් රු. බිලියන 1.24 ක් හා දේශීය විකිණුම් රු. මිලියන 1.39 ක් ලෙසින් සටහන් විය.

අද දිනයේ දී කැපීපෙනෙන කරුණක් වූයේ රු. මිලියන 216 ක විදේශීය මිල දී ගැනීම් වාර්තා වී තිබීමයි. විදේශීය විකිණුම් රු. මිලියන 62 කි. මෙලෙස ශුද්ධ විදේශීය මිල දී ගැනීම් ප්‍රමාණයක් වාර්තා වූ අඛණ්ඩ සිව්වැනි දිනය ලෙසින් අද දිනය දැක්විය හැකිය.

විදෙස් ආයෝජකයෝ සක්‍රීය වෙති. කොටස් වෙළෙඳපොළේ කැපීපෙනෙන වර්ධනයක්

October, 11, 2024

පසුගිය දින කිහිපය තුළ කොටස් වෙළෙඳපොළ මිල දර්ශකයන් හි වර්ධනයට ඉහළ දායකත්වයක් ලබා දුන් බැංකු සමාගම් වූ හැටන් නැෂනල් බැංකුව, කොමර්ෂල් බැංකුව, සම්පත් බැංකුව සහ NDB බැංකුව යන බැංකු සමාගම්වල සහ CT හෝල්ඩිංග්ස් සමාගමේ කොටස් මිල ගණන් පහළ යාම අද දිනයේ සියලු කොටස් මිල දර්ශකයේ කඩා වැටීමට බෙහෙවින් හේතු වී තිබිණ.