ශ්‍රී ලංකා තොරතුරු තාක්ෂණ ආයතනයේ (SLIIT) පිහිටා ඇති කොළඹ හෝටල් කළමනාකරණ ඇකඩමිය (CAHM), 2013 වසරේ පටන් ඕස්ට්‍රේලියාවේ William Angliss Institute සමඟ පවත්වාගෙන යන සහයෝගිතාව අලුත් කරනු ලැබීය.

CAHM, හෝටල් ක්ෂේත්‍රය මෙන්ම, සංචාර සහ සංචාරක ව්‍යාපාරය, වාණිජ ආහාර පිසීම, පේස්ට්‍රි සහ වැඩසටහන් සංවිධානය ආදී ක්ෂේත්‍රයන්හි වෘත්තීය නිපුණතා සම්බන්ධ විශේෂඥ ඕස්ට්‍රේලියානු ආයතනයක් වන වූ විලියම් ඇන්ග්ලිස් ආයතනයේ සහතිකය පිරි නමන ආයතනයකි. එමගින්, ඕස්ට්‍රේලියානු විෂය මාලාව ඉගැන්වීම් කටයුතු හා එහි ඇගයීම් කටයුතු, දේශීය හා ජාත්‍යන්තර සුදුසුකම්ලත් ක්ෂේත්‍රයේ විශේෂඥ පුහුණුකරුවන් මගින් සිදු කෙරේ.

දෙපාර්ශවය අතර සහයෝගිතාව අලුත් කිරීමේ උත්සවය, මාර්තු 28 වන දින ගාලු මුවදොර හෝටලයේදී අලංකාරවත් අයුරින් පැවැත්වුණේ, ආයතන දෙකෙහිම නියෝජිතයින් ඇතුළුව, ක්‌ෂේත්‍රයේ නියෝජිතයින්, කාර්ය මණ්ඩල සාමාජිකයින්, සහ කොළඹ හොටල් කළමනාකරණ ඇකඩමියේ ආදි සිසුන්ගේද සහභාගිත්වය ඇතිවය. William Angliss Institute (WAI), වෙනුවෙන් පැමිණි නියෝජිත කණ්ඩායමට එම ආයතනයේ ගරු සභාපති ජෝන් පැන්ඩසොපොලොස්, ප්‍රධාන විධායක නිලධාරී වේන් ක්‍රොස්බි, අධ්‍යාපන හා ක්‍රමවේද සංවර්ධන අධ්‍යක්ෂ නිකොලස් හන්ට් සහ ජාත්‍යන්තර හා ව්‍යාපාර සංවර්ධන අධ්‍යක්ෂ රේ පෙට්ස් යන පිරිස ඇතුළත් වූහ. එමෙන්ම, කොළඹ හෝටල් කළමනාකරණ ඇකඩමිය වෙනුවෙන් එහි සභාපති එරෝල් වීරසිංහ, කළමනාකාර අධ්‍යක්ෂ අනුක් වීරසිංහ සහ අධ්‍යක්ෂ නිව්රාන් වීරකෝන් යන පිරිස මෙම සහයෝගිතා ගිවිසුම අලුත් කිරීමේ උත්සවයට සහභාගී වූහ.

ශ්‍රී ලංකාවේ විශාලතම පෞද්ගලික හෝටල් කළමනාකරණ පාසල වන CAHM ඇකඩමිය, හෝටල් ක්ෂේත්‍රය සම්බන්ධ ජාත්‍යන්තර මට්ටමේ නිපුණතාව පිරිනැමීම සඳහා අති නවීන පහසුකම්වලින් සමන්විතව ඇති පරිශ්‍රයකි. හෝටල් ක්ෂේත්‍රයේ ජාත්‍යන්තර අධ්‍යාපනය ලබාදීම සඳහාම ඉවහල් වන ප්‍රායෝගික ක්‍රියාකාරකම් ඇතුළත් ඉගෙනුම් පරිසරයක අධ්‍යාපනය ලබාදීමේ පහසුකම්වලින් යුත් එම පරිශ්‍රය, අංග සම්පූර්ණ මුළුතැන්ගෙයකින් සේම අති නවීන උපකරණවලින් සමන්විතව තිබේ.

මේ පිළිබඳව අදහස් දක්වමින්, කොළඹ හෝටල් කළමනාකරණ ඇකඩමියේ සභාපති එරෝල් වීරසිංහ මහතා මෙලෙස සඳහන් කළේය. ‘මෙතෙක් පැවති ගිවිසුම අලුත් කරමින්, ඕස්ට්‍රේලියාවේ විලියම් ඇන්ග්ලිස් ආයතනයේ සහයෝගය අඛණ්ඩව ලබාගැනීමට හැකිවීම අපූරු ජයග්‍රහණයක්. ශ්‍රී ලංකාවේ ඉගැන්වීම් කටයුතු සිදුකිරීම සඳහා විශේෂඥ පුහුණුකරුවන් සහ ඇගයුම්කරුවන් මෙරටට එවීමෙන් එම ආයතනය ලබාදෙන සහයෝගය, පාඨමාලාව ජාත්‍යන්තර මට්ටමෙන් පිරිනැමීමට ශක්තියක්. සෑම වසරකම ඕස්ට්‍රේලියාවේ විලියම් ඇන්ග්ලිස් ආයතනයේ විශේෂඥ පුහුණුකරුවන් සහ ඇගයුම්කරුවන් 20 දෙනෙක් පමණ ශ්‍රී ලංකාවට පැමිණ ඉගැන්වීම් කටයුතු සිදු කරනවා. ඒ අනුව, ජාත්‍යන්තර හෝටල් ක්ෂේත්‍රයේ විවිධාකාර ඉගෙනුම් ක්‍රම හා ඉගැන්වීමේ ක්‍රම පමණක් නොව, සංස්කෘතික වෙනස්කම්වලින් හා සමාජ විවිධත්වයෙන් යුත් අන්තර්කරණ ඉගෙනුම් පරිසරයකට දේශීය සිසුන්ට සහ කාර්ය මණ්ඩලයට නිරාවරණය වීමටත් මෙය කදිම අවස්ථාවක්’.

දෙපාර්ශවය අතර අලුත් කරන ලද, නවතම සහයෝගිතාවය පිළිබඳව විලියම් ඇන්ග්ලිස් ආයතනයේ සභාපති ගරු ජෝන් පැන්ඩසොපොලොස් මහතා අදහස් දැක්විය. ‘මෙම ක්ෂේත්‍රය ඔස්සේ දෙස් විදෙස් රැකියා හරහා තම වෘත්තීය දිවිය සාර්ථක කරගැනීමට කැමති උපාධිධාරීන් බිහි කිරිමට අවශ්‍ය ගුණාත්මක අධ්‍යාපනය සහ ප්‍රායෝගික පුහුණුව කොළඹ හෝටල් කළමනාකරණ ඇකඩමියෙන් ලබාදෙනවා. මෙම සහයෝගිතාවය අලුත් කිරීම තුළින් එම ඇකඩමිය සමග පවත්වාගෙන ආ සබඳතාව තවත් කල්පවතින සබඳතාවක් බවට පත් කිරීම අපට සතුටක්. ක්ෂේත්‍රයේ මෙබඳු සහයෝගිතාවන් අපි කෘතඥපූර්වකව පිළිගන්නවා. ඒ වගේම, මෙම සහයෝගීතාවයෙන්, ශ්‍රී ලංකාවේ අඛණ්ඩ සංවර්ධනය පෙරටුකොට ගත් සංචාරක ගමනාන්තයක් බවට පත්කිරිමට සහය වීමට හැකිවිමත් අපට ආඩම්බරයට කරුණක්.’

මෙලෙස ඕස්ට්‍රේලියානු සහ ශ්‍රී ලාංකික හෝටල් අධ්‍යාපනය  පිරිනැමීමෙන් තුළින් කොළඹ හෝටල් කළමනාකරණ ඇකඩමිය, තමන් කැමති විෂය ධාරාවක් හදාරා ක්ෂේත්‍රයේ ඉහළට යා හැකි පරිදි අනාගත සිසුන් සඳහා ප්‍රතිලාභ ළඟාකර දීම අඛණ්ඩව සිදු කරයි. එහි 2025 අප්‍රේල් බඳවා ගැනීම් සඳහා සිසුන් ලියාපදිංචි කිරීම මේ දිනවල සිදුකෙරේ.

ශ්‍රී ලාංකීය සිසුන්ට තම අධ්‍යාපන ආයතය හරහා ජාත්‍යන්තර මට්ටමේ පාඨමාලා පිරිනැමීමට අනුමැතිය ලබාදෙමින්, ඕස්ට්‍රේලියාවේ විලියම් ඇන්ග්ලිස් ආයතනය හා කොළඹ හෝටල් කණමනාකරණ ඇකඩමිය හා පවත්වාගෙන යන අඛණ්ඩ සහයෝගිතාවය වෙනුවෙන්, සුභාශිංසන!