මෙතෙක් අත්හිටුවා තිබූ පරාටේ නීතිය ඊයේ (01) සිට නැවතත් ක්‍රියාත්මකය.

2024‑12‑15 දින දක්වා තාවකාලිකව අත්හිටුවා තිබූ පරාටේ නීතිය 2025‑03‑31 දින දක්වා තව දුරටත් දීර්ඝ කිරීමට පසුගයි දෙසැම්බර් මාසයේ දී රජය විසින් තීරණය කළේය.

ඒ පරාටේ නීතිය අත්හිටුවීම තවදුරටත් දීර්ඝ කරන ලෙස කුඩා හා මධ්‍ය පරිමාණ ව්‍යවසාය අංශයට සම්බන්ධ සංගම් මඟින් ඉල්ලීම් ඉදිරිපත් කිරීමත් දේපළ වෙන්දේසි කිරීමට ඉඩ දීම වෙනුවට එවැනි ණය ආපසු ගෙවීම සඳහා ක්‍රියාකාරී සැලැස්මක් හඳුන්වා දීම මඟින් දෙපාර්ශ්වයටම සාධනීය විසඳුමක් අත්කර ගැනීම සඳහා අවශ්‍ය පරිසරය නිර්මාණය කිරීම වඩා සුදුසු බවත් රජය විසින් නිරීක්ෂණය කර තිබූ පසුබිමකයි.

පුද්ගලයෙක් බැංකුවට උකස් කළ දේපොළ බේරා නොගතහොත් ඒවා ප්‍රසිද්ධ වෙන්දේසියකදී විකුණා එයින් බැංකුවට අය වියයුතු ණය හා පොලී මුදල අය කරගැනීමට අදාළව පරාටේ නීතිය ක්‍රියාත්මක කෙරෙයි.