කොමර්ෂල් බැංකුවේ ජනප්‍රිය ‘හෝම්ලෝන් ෆියෙස්ටා’ නිවාස ණය ප්‍රවර්ධන වැඩසටහන නැවත වතාවක් ආරම්භ කර තිබෙන අතර මේ යටතේ ගනුදෙනුකරුවන්ට ඔවුන්ගේ සිහින නිවස ඉදිකිරීමට, මිලදී ගැනීමට, හෝ ප්‍රතිසංස්කරණය කිරීමට උපකාර කිරීම සඳහා ආකර්ෂණීය පොලී අනුපාත, පිරිවැය ඉතිරිකිරීම් සහ අභිරුචිකරණය කළ ආපසු ගෙවීමේ සැලසුම් මාලාවක් ලබා දේ. 2025 සැප්තැම්බර් 30 වන දින දක්වා ක්‍රියාත්මක වන මෙම වැඩසටහන නිවාස හිමිකම පුළුල් පරාසයක ණයගැතියන් සඳහා ප්‍රවේශ විය හැකි ආකාරයට වඩාත් දැරිය හැකි ලෙස නිර්මාණය කර ඇත.

මෙම ප්‍රවර්ධන වැඩසටහන යටතේ සියලුම ගනුදෙනුකරුවන්ට ප්ලැටිනම් පොලී අනුපාතය භුක්ති විඳිය හැකි අතර ලේඛන ගාස්තු ද 50% කින් අඩු වේ. ඉදිකිරීම් කටයුතු සඳහා ණය ලබා ගන්නා ණය ගැනුම්කරුවන්ට ගොඩනැගිලි ද්‍රව්‍ය, නාන කාමර උපාංග, දෘඩාංග අයිතම සහ තවත් බොහෝ දේ සඳහා තෝරාගත් සැපයුම්කරුවන්ගෙන් 40% ක් දක්වා වට්ටම් ලබාගත හැකි වේ.

ඉඩමක්, නිවසක් හෝ මහල් නිවාසයක් මිලදී ගැනීම සඳහා; නිවසක් ඉදිකිරීම, ප්‍රතිසංස්කරණය කිරීම, විශාල කිරීම හෝ සම්පූර්ණ කිරීම සඳහා; හෝ වෙනත් මූල්‍ය ආයතනයකින් ලබා ගත් නිවාස ණයක් පියවීම සඳහා කොමර්ෂල් බැංකුවේ නිවාස ණය ලබා ගත හැකිය. අවශ්‍යතාවය, ආදායම සහ ආපසු ගෙවීමේ හැකියාව අනුව රුපියල් මිලියන 50ක් දක්වා ණය ලබා දෙන අතර වැඩි මුදල් ප්‍රමාණයක් බැංකුවේ අභිමතය පරිදි සලකා බලනු ලබන බව බැංකුව පවසයි.

විදේශ මුදලින් ආපසු ගෙවිය හැකි විදේශයන්හි සේවය කරන ශ්‍රී ලාංකිකයින්, ස්ථිර පදිංචිකරුවන් සහ ද්විත්ව පුරවැසියන් සඳහා විදේශ මුදල් නිවාස ණය ද පිරිනමනු ලබන බව බැංකුව පවසයි.

අවශ්‍ය සියලුම ලියකියවිලි ලැබීමෙන් පසු වැඩ කරන දින තුනක් ඇතුලත අනුමැතිය ලබා දෙන බවත්, බැංකුවේ ‘Speed Home Loans’ යටතේ දින 14 ක් ඇතුළත අරමුදල් ලබා දෙන බවත් බැංකුව පැවසීය. පළමු වරට නිවාස ඉදිකරන්නන් හෝ ගැනුම්කරුවන්ට නොමිලේ නිවාස ණය රක්ෂණාවරණයක් ද ලැබෙනු ඇති අතර එමඟින් ඔවුන්ගේ ණය අනපේක්ෂිත සිදුවීම් වලින් ආරක්ෂා වන බව සහතික කෙරේ.

ගනුදෙනුකරුවන්ට තෝරාගත හැකි පරිදි ආපසු ගෙවීමේ විකල්ප කිහිපයක් ඇත. ඒවා අතරට අඩු වාරිකයකින් ආරම්භ වී ආදායමට අනුව ක්‍රමයෙන් වැඩි වන Step up නිවාස ණය ක්‍රමය, සේවා කාලය තුළ ප්‍රාග්ධනයෙන් කොටසක් ආපසු ගෙවා ඉතිරිය පසුව පියවිය හැකි නිවාස ණය ක්‍රමය, සහ වෘත්තිකයින් හා ඉහළ ශුද්ධ වටිනාකමක් ඇති පුද්ගලයින් සඳහා වසර පහක් දක්වා සහන කාලයක් සහිත ණය ක්‍රමය ඇතුලත් වේ. මෙම නම්‍යශීලී සැලසුම් මඟින් සමාන මාසික වාරික (EMI)  හෝ අඩු කිරීමේ ශේෂ ක්‍රමය (RBM) යටතේ සාම්ප්‍රදායික ණය දීමේ නිර්ණායක සපුරා නොමැති අයට වුවද ණය ලබාගත හැකි බව බැංකුව පැවසීය.

මෙම ප්‍රවර්ධන වැඩසටහන දියත් කිරීම පිළිබඳව අදහස් දක්වමින් කොමර්ෂල් බැංකුවේ නියෝජ්‍ය සාමාන්‍යාධිකාරී - පුද්ගලික බැංකුකරණය එස්. ගනේෂන් මහතා මෙසේ පැවසීය: “නිවාස ණය ප්‍රවර්ධන වැඩසටහන ගණුදෙණුකරුවන්ගේ මූල්‍ය ස්ථාවරත්වයට හානි නොවන අයුරින් බාධක ඉවත් කර නිවාස හිමිකම සඳහා දොරටු විවර කිරීමේ මෙහෙයුමයි. අවම වෙළඳපල අනුපාත, වේගවත් ක්‍රියාවලි, සැලකිය යුතු පිරිවැය ඉතිරිකිරීමේ සහ අභිරුචිකරණය කළ ආපසු ගෙවීමේ විසඳුම් ලබා දීමෙන්, තමන්ගේ ම නිවසක් ලබා ගැනීම වැදගත් පියවර ගැනීමට අපි හැකියාව ලබා දෙනවා.”

කොමර්ෂල් බැංකුව ලෝකයේ හොඳම බැංකු 1000 අතරට පත්වු පළමු දේශීය බැංකුව වන අතර කොළඹ කොටස් වෙළඳපලෙහි බැංකු අංශයේ ඉහළම වෙළඳපල ප්‍රාග්ධනීකරණය ඇති බැංකුව වේ. ශ්‍රී ලංකාවේ පුද්ගලික අංශයේ විශාලතම ණය දෙන්නා සහ මෙරට සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත්‍රයේ ඩිජිටල් නව්‍යකරණය සඳහා ප්‍රමුඛයෙකු වන කොමර්ෂල් බැංකුව ශ්‍රී ලංකාවේ පරිසරයට කාබන් මුදාහැරීම 100% තුලනය කළ ප්‍රථම බැංකුව ද වේ.

බැංකුව දිවයින පුරා උපායමාර්ගිකව පිහිටා ඇති ශාඛා සහ ස්වයංක්‍රීය යන්ත්‍ර ජාලයක් ක්‍රියාත්මක කරන අතර, බංග්ලාදේශයේ ශාඛා 20 ක්, මාලදිවයිනේ බහුතර කොටස් හිමිකාරිත්වයක් සහිත පූර්ණ මට්ටමේ පළමු පෙළ බැංකුවක්, මියන්මාරයේ ක්ෂුද්‍ර මූල්‍ය සමාගමක් සහ ඩුබායි ජාත්‍යන්තර මූල්‍ය මධ්‍යස්ථානය (DIFC) තුළ නියෝජිත කාර්යාලයක් සමඟින් ශ්‍රී ලාංකික බැංකු අතර පුළුල්ම ජාත්‍යන්තර පියසටහනක් තබා ඇත. මීට අමතරව බැංකුවේ පූර්ණ හිමිකාරීත්වය දරන CBC ෆිනෑන්ස් ලිමිටඩ් සහ කොමර්ෂල් ඉන්ෂුවරන්ස් බ්‍රෝකර්ස් සමාගම තම ශාඛා ජාල හරහා පුළුල් පරාසයක මූල්‍ය සේවා සපයයි.