ශ්‍රී ලංකා මහ බැංකුව විසින් 2024 අංක 05 දරන බලපත්‍රලාභී බැංකු සඳහා ආයතනික යහපාලනය යන බැංකු පනත් විධාන 2024.09.30 දින නිකුත් කිරීම පිළිබඳ මෙයින් නිවේදනය කරනු ලැබේ. බලපත්‍රලාභී වාණිජ බැංකු සහ බලපත්‍රලාභී විශේෂිත බැංකුවල (මෙතැන් සිට බලපත්‍රලාභී බැංකු ලෙස හැඳින්වේ) ආයතනික යහපාලන ක්‍රියාවලීන් සහ භාවිතයන් ශක්තිමත් කර එමගින් නිසි වගකීමෙන් සහ වගවීමකින් යුතුව බැංකු ව්‍යාපාර කටයුතු පවත්වාගෙන යාමට පහසුකම් සැලසීම තුලින් බැංකු අංශයේ සහ සමස්ත මූල්‍ය පද්ධතියේ සුරක්ෂිතතාව හා ශක්තිමත්බව ප්‍රවර්ධනය කිරීම සඳහා මෙම විධාන නිකුත් කරන ලදී.