• මහින්ද්‍රා සිය නවතම SUV මාදිලි සඳහා "Twin Peaks" ලෝගෝව හඳුන්වා දෙයි
• උසස් තාක්ෂණයෙන් හා නිමැවුමෙන් ප්‍රමුඛතම SUV මාදිලි පෙළක් වන XUV700, Scorpio-N, and XUV3XO SUV එළිදක්වයි
• කුඩා වාණිජ වාහන නිෂ්පාදකයෙකු ලෙස ආ ගමන්මග අඛණ්ඩව ඉදිරියට

ලෝක වාහන වෙළඳපොළේ ප්‍රමුඛ නාමයක් දිනූ සමාගමක් වන ඉන්දියාවේ Mahindra & Mahindra සමාගම හඳුන්වා දෙන නව SUV මාදිලි පෙළක්, නවතම “Twin Peaks” ලෝගෝව යටතේ මෙවර Colombo Motor Show ප්‍රදර්ශනයේදී එළිදක්වනු ලැබීය.
ගතිකත්වය සහ වීරත්වය එකට කැටි කළ නව ලෝගෝව මහින්ද්‍රා සමාගමේ නව SUV මාදිලිවල ඇති ගාම්භීර පෙනුම මෙන්ම සුඛෝපභෝගී බව සහ අව්‍යාජ බව මැනවින් නිරූපණය කරයි.

නව SUV පෙළ XUV700, Scorpio-N, සහ XUV 3XO ලෙස නම් කර ඇති අතර, නවීනතම තාක්ෂණයත්, අද්විතීය පෙනුමත් එක්තැන් කළ මාදිලි පෙළක් ලෙස මෙය හඳුන්වා දිය හැකිය.

සුඛෝපභෝගී බව සහ නව තාක්ෂණය සමඟින් එන XUV700 රථය, 200 PS TGDi පෙට්‍රල් එන්ජිමකින්, ADAS Level 2 විශේෂාංගය ඇතුළත් AISIN වේග 6 ගියර් පද්ධතිය මෙන්ම, Sunroof සහ ප්‍රිමියම් Sony 12 speaker 3D ශබ්ද පද්ධතියකින් ද සමන්විත වේ. Scorpio-N යනු 175 PS mHawk ඩීසල් එන්ජිමක් සහ අතිප්‍රබල ක්‍රියාකාරීත්වකින් යුතු රථයක් වන අතර 400 Nm ව්‍යවර්ථයකින් (torque) සමන්විතය. වේග 6 ඔටෝ ගියර් පද්ධතියක්, මාදිලිය තුළ ප්‍රමුඛ විශේෂාංගයක් වූ Off-Road සඳහා විශේෂිත 4XPLOR intelligent terrain management තාක්ෂණයෙන් ද සමන්විත රථයකි. XUV 3XO රථය තරමක් වෙනස් ආකාරයේ SUV රථයක් ලෙස හැඳින්විය හැකි අතර, 112 PS බලයක් ඇති 1.2L TCMPFI පෙට්‍රල් එන්ජිම, 200 Nm ව්‍යවර්ථයක් මෙන්ම AISIN 6 වේග කට්ටලයකින් සමන්විතය. එමෙන්ම ADAS Level 2, Skyroof™ සහ twin HD screens වැනි නව තක්ෂණික විශේෂාංගවලින් ද XUV 3XO රථය සමන්විත වේ.

මේ නිසා වාහනවල නවීනතම තාක්ෂණය ගැන උනන්දු පාරිභෝගිකයන් අතර මෙය කැපී පෙනෙන තේරීමක් වනු ඇතැයි සිතිය හැකිය.

මහින්ද්‍රා සමාගමේ ජාත්‍යන්තර මෙහෙයුම් ප්‍රධානී, සචින් අරොල්කාර් මහතා, “අපේ නව පෙනුම සමඟ හඳුන්වා දෙන ප්‍රමුඛතම SUV මාදිලි පෙළ මෙවර Colombo Motor Show ප්‍රදර්ශනයේදී එළිදැක්වීමට ලැබීම රථවාහන ක්ෂේත්‍රයේ විශිෂ්ටත්වය කරා යන මහින්ද්‍රා අපේ ගමනේ සන්ධිස්ථානයක් සේ සැලකීමට පුළුවන්. ‘Twin Peaks’ ලෝගෝව මඟින් ජාත්‍යන්තර වෙළඳපොළට ගැළපෙන ආකාරයේ උසස්, නවීනතම සහ අව්‍යාජවත් බව මුසු අදහසක් ඉදිරිපත් කෙරෙනවා. එමෙන්ම මේ තුළින් නවෝත්පාදනය සහ සීමා අතික්‍රමණයට අපේ ඇති උනන්දුව පෙන්නුම් කරනවා පමණක් නොව, සන්නාමයක් ලෙස අප අගය කරන නිදහස හා වික්‍රමාන්විත බවට ද හොඳින් ගැලපෙන ලෝගෝවක්. මහින්ද්‍රා SUV වාහන ගැන විශාල උනන්දුවක් ඇති ශ්‍රී ලාංකික වෙළඳපොළට අපගේ නව වාහන මාදිලි පෙළ හඳුන්වා දීම ගැන අපට ඇත්තේ ඉමහත් සතුටක්. මෙම ප්‍රදර්ශනය අපගේ ගමන්ම‌ගේ වැදගත් සන්ධිස්ථානයක් සනිටුහන් කරනු ඇති අතරම, රට තුළ SUV වාහන මාදිලි අතින් ප්‍රමුඛස්ථානයකට පැමිණීමට ද හේතුවක් වනු ඇතැයි අප අපේක්ෂා කරනවා”යැයි මේ පිළිබදව අදහස් දක්වමින් කියා සිටියේය. අයිඩියල් මෝටර්ස් සභාපති, නලින් වෙල්ගම මහතා මේ පිළිබදව අදහස් දක්වමින් “මහින්ද්‍රා වෙතින් හඳුන්වා දෙන ප්‍රමුඛ පෙළේ SUV රථ Colombo Motor Show ප්‍රදර්ශනයේදී එළිදක්වන්ට ලැබීම පිළිබඳ අප ඉතාමත් සතුටට පත් වනවා. මෙම SUV රථ නවීන පෙනුමින් හා නවීනතම තාක්ෂණයෙන් සමන්විත වන අතරම සුඛෝපභෝගී විශේෂාංග රැසකින් ද සමන්විත වන අතර, මෙම වාහන ඉදිරියේදී ශ්‍රී ලාංකික පාරිභෝගිකයන්ට ලබා ගත හැකිවනු ඇතැයි අප විශ්වාස කරනවා” යැයි පැවසීය.

ආනයන සීමා ඉවත් කිරීම පිළිබඳ රජයේ තීරණයන් අනුව ඉදිරියේදී වාහන අලෙවිය සිදු වීමට නියමිතය. තීරුබදු, බදු සහ විනිමය අනුපාත සැලකිල්ලට ගනිමින්, දියත් කිරීමට ආසන්න දිනයක මේවායේ මිල ගණන් පිළිබඳ දැනුම් දෙනු ඇත. කුඩා වාණිජ වාහන පිළිබඳ ඇති කැපවීම යළිත් තහවුරු කරමින්, මහින්ද්‍රා සමාගම සඳහන් කළේ, City Pickup මාදිලිය “Road Ahead” ලෝගෝව යටතේ අඛණ්ඩව අලෙවි කරන බවයි.