Clogard Natural Salt දන්තාලේපය යනු ස්වභාවික ලුණු, දන්ත වෛද්‍ය විද්‍යාවේ නවතම නිර්මාණයන් සමඟ මුසු කොට විදුරුමස් සහ දත් ආරක්ෂා කිරීම සඳහා නිපදවන ලද විප්ලවීය නිෂ්පාදනයකි. විදුරුමස් ආශ්‍රිත ගැටළු ක්‍රමයෙන් වර්ධනය වෙමින් පවතින පසුබිමක සෑම දරුවන් 5 දෙනෙකුගෙන්ම 1 අයෙකු විදුරුමස් රෝගවලින් පීඩාවට පත්ව ඇති අතර විදුරුමස් ප්‍රදාහයන් සහ ඒ ආශ්‍රිත රෝගී තත්වයන් බහුලව දක්නට ලැබේ. මෙවැනි අභියෝගාත්මක තත්වයක් තුළදී වුවත්, බොහෝ පාරිභෝගිකයන් විසින් විදුරුමස් සෞඛ්‍ය නොසලකා හැරීම සිදු කරනු ලබයි.  ස්වභාවික ලුණුවල ඇති ප්‍රතිබැක්ටීරීයා  ගුණ යොදා ගෙන, සෞඛ්‍ය සම්පන්න විදුරුමස් සහ ශක්තිමත් දත් පවත්වා ගැනීම සඳහා විශේෂයෙන් නිර්මාණය කර ඇති Clogard Natural Salt දන්තාලේපය  දිනපතා භාවිතයෙන් මුඛ සෞඛ්‍ය ගැටළු සඳහා ඵලදායී විසඳුමක් ලබා ගත හැකිය.

ශක්තිමත් දත් සහ මුඛයේ සනීපාරක්ෂාව උදෙසා නිරෝගී ලෙස  විදුරුමස් සෞඛ්‍ය පවත්වා ගැනීම අත්‍යාවශ්‍ය වේ. එසේ නොමැති වුවහොත්, දත් ආසාදන,දත් දිරා පත්වීම්වලට ගොදුරු වීමට මෙන්ම දත් අහිමිවීම් පවා සිදුවිය හැකිය. විදුරුමස ආශ්‍රිත ගැටළු, දත් රඳවා තබා ගන්නා  ආධාරකවලට හානි කළ හැකිය. දුර්වල මුඛ සනීපාරක්ෂාව, දුම්පානය, හෝමෝන වෙනස්වීම් සහ ඇතැම් රෝගී තත්වයන් හෝ ඒ  වෙනුවෙන් ලබා ගන්නා ඖෂධ මෙවැනි තත්වයන් සඳහා හේතුකාරක වේ. රෝග ලක්ෂණ ලෙස මූලික අවස්ථාවේ දී රතු, ඉදිමුණු විදුරුමස් දක්නට ලැබෙන අතර පසුව මුඛ කුහරයේ දුර්ගන්ධයක් වර්ධනය වන අතර වඩාත් උඝ්‍ර වූ විට දත් හැලීම පවා ඇතිවිය හැකිය. විදුරුමස් ප්‍රදාහය නිසි ප්‍රතිකාර මඟින් සුව කළ හැකි අතර නිසි ප්‍රතිකාර සඳහා යොමු නොවුන හොත් දරුණු හානි සිදුවිය හැක.

Hemas Consumer Brands හි කාණ්ඩ කළමනාකාරිනී මේධාවී ජයරත්න සිය අදහස් දක්වමින් “විදුරුමස සෞඛ්‍ය සම්පන්න මුඛයක පදනම ලෙස හදුන්වා දෙන්න පුළුවන්. ඒ නිසා විදුරුමස පිළිබඳ නිසි සැලකිල්ලක් නොමැතිවීම මඟින්, ඔබගේ දත් අහිමි වීම පමණක් නොව, වෙනත් සෞඛ්‍ය ගැටළුවලට මඟ පාදා ගැනීමත් සිදුවනවා. එබැවින් Clogard Natural Salt වැනි නිෂ්පාදන දිනපතා භාවිතයට ගැනීම විදුරුමස ආරක්ෂා කර ගැනීමට සහ දිගුකාලීන මුඛ සනීපාරක්ෂාවක් පවත්වා ගැනීමට උපකාරී වනවා“ යනුවෙන් ප්‍රකාශ කළාය.

සෞඛ්‍ය සම්පන්න විදුරුමස්, දත් රඳවා තබා ගන්නා පදනම ලෙස ක්‍රියා කරන අතරම හානිකර බැක්ටීරියා ආසාදනවලින් දත් ආරක්ෂා කරයි. විදුරුමස් ආශ්‍රිත රෝග ආසාදනය වූ  විට, දත්වල මෙම ආධාරකය දුර්වල වන අතර, එහි ප්‍රතිඵලයක් ලෙස අවසානයේ දත් අහිමි වීම සිදුවෙයි. මේ නිසාවෙන් විදුරුමස් සෞඛ්‍යය පවත්වා ගැනීමේ වැදගත්කම අවතක්සේරු කළ නොහැක. ලුණු, එහි ප්‍රතිබැක්ටීරීයා ගුණ නිසාවෙන්, සියවස් ගණනාවක් පුරාවට මුඛ සෞඛ්‍ය රැක ගැනීමේ පිළියමක් ලෙස භාවිතා කර ඇත. ලුණු දියරවලින් මුඛය සේදීම සෞඛ්‍ය සම්පන්න ලෙස විදුරුමස් පවත්වා ගැනීමට, මුඛයේ දැවිල්ල ස්වභාවය අඩු කිරීමට සහ මුඛයේ ඇති වන තුවාල සුව කිරීම වේගවත් කිරීමට පිළියමක් ලෙස නිවෙස්වල භාවිත කර ඇත. ලුණුවල මෙම ස්වභාවික බලය විදුරුමස් ආසාදන වැළැක්වීමට සහ දිගුකාලීන මුඛ සෞඛ්‍ය ප්‍රවර්ධනය සඳහා විශිෂ්ට තේරීමක් ලෙස සැලකිය හැකිය.

Clogard Natural Salt දන්තාලේපය සාම්ප්‍රදායික දැනුම පදනම් කරගෙන ස්වභාවික ලුණුවල ඇති ප්‍රතිලාභ නවීන විද්‍යාත්මක ක්‍රමවේද සමඟ මුසු කොට නිෂ්පාදනය කර ඇත. එහි ඇති අද්විතීය සංඝටක දත් ශක්තිමත් කර විදුරුමස් රෝග සඳහා විසදුම් ලබාදෙන අතරම පූර්ණ මුඛ සෞඛ්‍යයක් පවත්වා ගැනීම සඳහා උපකාරී වෙයි. Clogard Natural Salt දිනපතා භාවිතා කිරීමෙන්, පාරිභෝගිකයින්ට විදුරුමස් ආරක්ෂා කර ගත හැකි අතරම දිගු කාලයක් පුරාවට තම දත් ශක්තිමත්ව පවත්වා ගැනීමට හැකිවනු ඇත. ක්‍රමයෙන් ඉහළ යන විදුරුමස් ආශ්‍රිත ගැටළු පිළිබඳව සැලකිල්ලට ගනිමින්, තම විදුරුමස් සෞඛ්‍ය හොදින් පවත්වා ගැනීම සඳහා Clogard Natural Salt වැනි නිෂ්පාදනවලට යොමු වීම ඉතා වැදගත් වෙයි. එවැනි නිෂ්පාදන භාවිතයට එක්කර ගැනීමෙන්,පවුලේ සැමට විදුරුමස් රෝගවලින් තොර නිරෝගීමත් දත් දෙපළක් පවත්වා ගත හැකිය.

Hemas Consumer Brands හි ජ්‍යෙෂ්ඨ සන්නාම කළමනාකාරිනී චතුමිණි කරුණාතිලක සිය අදහස් දක්වමින්, “මුඛ සෞඛ්‍යය පවත්වා ගැනීම සඳහා ඉතා වැදගත් වන ප්‍රතිබැක්ටීරීයා ගුණය නිසාවෙන් ලුණු අතීතයේ සිට භාවිතා කරනු ලැබුවා. ඒ නිසාවෙන් සාම්ප්‍රදායික දැනුම, නවීන දන්ත වෛද්‍ය විද්‍යාව සමඟ මුසුකොට විදුරුමස් සෞඛ්‍යය පවත්වා ගැනීම සඳහා නිෂ්පාදනය කළ, මෙම Clogard Natural Salt, මුඛ සෞඛ්‍ය පවත්වා ගැනීම සඳහා දිනපතා භාවිතයට ගත හැකි විසදුමක් ලෙස හඳුන්වා දීමට පුළුවන්” යනුවෙන් ප්‍රකාශ කළාය.

යහපත් මුඛ සෞඛයක් පවත්වා ගැනීම සඳහා විදුරුමස් සෞඛ්‍යයට ප්‍රමුඛස්ථානයක් දෙන Clogard Natural Salt දන්තාලේපය දිනපතා භාවිතයෙන් ශක්තිමත් විදුරුමස් සහ දත් පවත්වා ගැනීමට හැකිය. මෙම නිෂ්පාදනය පවුලේ සැමට නීරෝගී මුඛ සෞඛ්‍යයක් පවත්වා ගැනීම සඳහා වන ස්වභාවික විසඳුමක් වන අතර මෙය දෛනික චර්යාවේ වැදගත් අංගයක් බවට පත් කර ගැනීමෙන් වඩාත් හොද ප්‍රතිලාභ ලබා ගත හැකිය.