ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව විසින් කැඳවා තිබූ සංවර්ධන බැඳුම්කර නිකුතුවේ වෙන්දේසි කාලය අදින් (13) හමාර විය. මෙම බැඳුම්කර වෙන්දේසිය සඳහා ලංසු ඉදිරිපත් කිරීමට ජූනි 07-13 දක්වා කාලය විවෘත කර තිබිණි.

ඩොලර් මිලියන 200 ක වටිනාකමකින් යුතු වසර 1, 2, 3 හා 5 යනාදී වශයෙන් පරිණත කාල හතරකින් මෙම සංවර්ධන බැඳුම්කර වෙන්දේසිය සඳහා ඉදිරිපත් කර තිබුණු අතර ලැබුණු ලංසු අතුරින් එක් අවුරුදු පාවෙන පොළී අනුපාතිකය යටතේ ඩොලර් මිලියන 250.04 ක ලංසු අනුමත කර තිබේ.