March, 31, 2025
Sterling Steels පුද්ගලික සමාගම විසින් ශ්‍රී ලාංකේය ගෘහ නිර්මාණ සහ ඉදිකිරීම් ක්ෂේත්‍රයේ මෞලි මංගල්‍ය ලෙස සැලකෙන Architect'25, එනම් ගෘහ නිර්මාණ ශිල්පීන්ගේ රැකියා සහ වෙළඳ ප්‍රදර්ශනය 2025 සඳහා ප්‍රධාන සෙවිලි සහකරු ලෙස අනුග්‍රහය දැක්වීය. ශ්‍රී ලංකා ගෘහ නිර්මාණ ශිල්පීන්ගේ සංසදය (SLIA) විසින් සංවිධානය කරනු ලබන මෙම ප්‍රදර්ශනය 2025 පෙබරවාරි මස 21 වැනි දින සිට 23 වැනි දා දක්වා කොළඹ BMICH පරිශ්‍රයේ දී පැවැත්වුණු අතර, ගෘහ නිර්මාණ ශිල්පීන්, ඉංජිනේරුවන්, කොන්ත්‍රාත්කරුවන්, උපදේශකයින්, ආයතනික නිලධාරීන් සහ ශිෂ්‍යයින් ඇතුළු පාර්ශව රැසක් ඊට සහභාගි විය. උසස්ම තත්ත්වයේ වානේ සෙවිලි සහ ආවරණ නිෂ්පාදන ක්ෂේත්‍රයේ ප්‍රමුඛයෙකු ලෙසින් හැඳින්වෙන Sterling Steels සමාගම විසින් තම නවීනතම නිෂ්පාදන ප්‍රදර්ශනය කිරීමටත්, විවිධ ක්ෂේත්‍ර අතර සබඳතා ඇති කර ගැනීමටත් සහ අනාගත ගෘහ නිර්මාණ ශිල්පීන් හඳුනා ගැනීමටත් මෙම ප්‍රදර්ශනය අවස්ථාවක් කර ගන්නා ලදි.
ශ්‍රී ලංකාව තුළ වසර 30 ක් පැරණි කීර්තිමත් ඉතිහාසයකට උරුම කම් කියන Sterling Steels සමාගම වෙත තම මව් සමාගම වන E.B. Creasy සහ සමාගමේ සහයද අඛණ්ඩව හිමි වේ. එම සියලු සාධක මත පදනම්ව ඔවුන් උසස්ම තත්ත්වයේ කල් පවතින වානේ නිෂ්පාදන සැපයීම වෙනුවෙන් ශ්‍රී ලංකාව තුළ අති විශාල කීර්තියක් අත් පත් කර ගෙන තිබේ. මෙහි ප්‍රතිඵලයක් ලෙස ශ්‍රී ලාංකේය ගෘහ නිර්මාණ සහ ඉදිකිරීම් ක්ෂේත්‍රවල ප්‍රමුඛයෙකු බවට පත් වීමට ඔවුන් සමත් වී ඇත. Architect'25 සඳහා ප්‍රධාන අනුග්‍රාහකත්වය දැක්වීම යනු ක්ෂේත්‍රය තුළ ඔවුන්ගේ ස්ථානය නැවත නැවතත් තහවුරු කර ගැනීමකි.
ප්‍රදර්ශනය අතරතුර ඔවුන් තම ප්‍රධානතම නිෂ්පාදන සන්නාමය වන STERLINGTM PRO SERIESTM සහ නවීනතම MAXEAM470TM සෙවිලි පද්ධතිය ද ඉදිරිපත් කරන ලදි. නවීන ගෘහ නිර්මාණ සැලසුම් වලින් ඉල්ලුම් කරන නිර්මාණාත්මක අභියෝග ජය ගැනීම සඳහාම නිමැවුණු මෙම නිෂ්පාදන, කර්මාන්ත, වාණිජ හා නිවාස යන ඕනෑම ව්‍යාපෘතියක් සඳහා අවශ්‍ය ශක්තිමත්, කල් පවතින සහ ඵලදායී ඒවා බව එහිදී ඔවුන් සහතික කොට පෙන්නුම් කර ඇත.
Sterling Steels සමාගම විසින් තම නිෂ්පාදන ප්‍රදර්ශනය කිරීමට අමතරව, ක්ෂේත්‍රයේ ප්‍රවීණයන් සමග සබඳතා ඇති කර ගැනීමටත් මෙම ප්‍රදර්ශනය අවස්ථාවක් කර ගනු ලැබීය. ඒ වගේම මෙම ප්‍රදර්ශනය හරහා වෘත්තිකයින් හා ශිෂ්‍යයින් වැනි අනෙකුත් සියලුම පාර්ශවකරුවන් හට සංවාද කරමින් ක්ෂේත්‍රයේ ප්‍රගමනයට අවශ්‍ය දායකත්වය ලබා දීමට හැකියාව ලැබුණි.
ගෘහ නිර්මාණ ශිල්පීන්ගේ රැකියා සහ වෙළඳ ප්‍රදර්ශනය, Architect 2025 සඳහා ක්ෂේත්‍රය හා සම්බන්ධ දහස් ගණනක පිරිසක් සහභාගි වූ බැවින්, එවැනි අවස්ථාවකට ප්‍රධාන සෙවිලි සහකරු ලබා දීම හරහා ස්ටර්ලින් ස්ටීල්ස් සමාගම ක්ෂේත්‍රය තුළ තම ප්‍රමුඛ ස්ථානය යළිත් තහවුරු කර ගන්නා ලදි.
Video Story
