පසුගිය 19 වැනි දින ප‍්‍රතිකාර සඳහා තලවතුගොඩ හේමාස් රෝහලේ හදිසි ප‍්‍රතිකාර ඒකකය වෙත පැමිණි රෝගියකු, රෝහලේ වෘක්කවේදී විශේෂඥ වෛද්‍යවරයාගේ නිර්දේශය අනුව කඩිනමින් ශ‍්‍රී ජයවර්ධන පුර රෝහල වෙත යැවීමට කටයුතු කළ අතර එම රෝහලේදී ඔක්තෝම්බර් 20 වැනි දින සිදු කළ PCR පරීක්ෂණයකින් එම රෝගීයාට කෝවිඞ් 19 වෛරසය ආසාදනය වී ඇති බව තහවුරු විය. හේමාස් රෝහල් සමූහය විසින් ක‍්‍රියාත්මක කර ඇති දැඩි සෞඛ්‍ය නියාමනයන් හේතුකොට ගෙන ඉහත රෝගියා කිසිදු අවස්ථාවක රෝහලේ පොදු පරිශ‍්‍රයකට නිරාවරණය නොවූ අතර මෙබඳු අවස්ථාවකදී හේමාස් රෝහල් සමූහය කිසිදු විටෙක සිය කාර්යමණ්ඩලය, රෝගීන් සහ ප‍්‍රජාව අවදානමකට ලක් වීමට කිසිදු ඉඩක් තබා නැත.

මෙම සිදු වීම වාර්තාවීමෙන් අනතුරුව පහත දැක්වෙන ක‍්‍රියාමාර්ග කඩිනමින් ක‍්‍රියාවට නැංවීමට තලවතුගොඩ හේමාස් රෝහල කටයුතු කරන ලදි.

1. අවදානම තක්සේරු කිරීම සඳහා 2020 අපේ‍්‍රල් 24 වන දින සෞඛ්‍ය අමාත්‍යංශය විසින් ප‍්‍රකාශයට පත් කළ ‘‘රෝහලක් තුළ අහඹු ලෙස කෝවිඞ් වෛරසය ශරීර ගත වී ඇතැයි සැක කෙරෙන රෝගියකු හඳුනාගත් විට එම තත්වය කළමනාකරණය කර ගැනීම සඳහා වන උපදේශන මාලාව’’ යන මාර්ගෝපදේශය ක‍්‍රියාවට නැංවූ අතර, මේ සඳහා ස්වාධීන කායික රෝග විශේෂඥයකු, හදිසි ප‍්‍රතිකාර විශේෂඥ වෛද්‍යවරයකු, අණුක ජීවවිද්‍යා විශේෂඥ වෛද්‍යවරයකු, විශබීජ පැතිරීම පාලනය භාරව සිටින හෙද ප‍්‍රධානියකු සහ රෝහලේ වෛද්‍ය කටයුතු පරිපාලන ඒකකයේ ප‍්‍රධානියකු යන කණ්ඩායමක් මගින් මෙම අවදානම තක්සේරුකරණය සිදු කරන ලදි.

2. රෝහල් සාමාජිකයින් 8 දෙනෙකු මහජන සෞඛ්‍ය පරීක්ෂකවරුන්ගේ දැඩි අධීක්ෂණය යටතේ හුදෙකලා කිරීමට කටයුතු කෙරිණ.

3. ප‍්‍රදේශයේ සෞඛ්‍ය බලධාරීන්ට මෙම සිදුවීම දන්වන ලද අතර රෝහල, විසින් සිදු කළ අවදානම් තක්සේරුකරණය ඔවුන්ගේ අධීක්ෂණයට යොමු කරන ලදි.

4. මෙම කාර්යමණ්ඩල සාමාජිකයන් අට දෙනා රෝහල් කාර්ය මණ්ඩලය දින 14ක් නිරෝධායනයට ලක් කර ඇති අතර දින 7 කින් සහ දින 14කින් නැවතත් ඡුක්‍ඍ පරීක්ෂණ සිදු කෙරෙනු ඇත.

5. හේමාස් රෝහල් සමූහයේ විශබීජ පාලන ප‍්‍රතිපත්තියට අනුව සාමාන්‍යයෙන් පැය 2කට වරක් සිදු කරන විශබීජ හරණ ක‍්‍රියාවලියට අමතරව හදිසි ප‍්‍රතිකාර ඒකකය සහ අදාළ පරිශ‍්‍රයන් 0.1‍% හයිපොක්ලෝරයිට් සහ 70‍% ක ඇල්කොහොල් භාවිතා කර මුළුමනින්ම විශබීජ හරණයකට ලක් කරන ලදි.

6. හදිසි ප‍්‍රතිකාර ඒකකය සහ රෝහලේ සෙසු අංශයන් සාමාන්‍ය පරිදි ක‍්‍රියාත්මක වේ.

කෝවිඞ් 19 වෛරසය පාලනය සඳහා සෞඛ්‍ය අමාත්‍යංශය සහ වසංගත රෝග ඒකකය විසින් ප‍්‍රකාශයට පත්කර ඇති මාර්ගෝපදේශයන් සහ නියාමනයන් මෙම වසංගතය ශ‍්‍රී ලංකාව තුළ පැතිර ගිය මුල් අවස්ථාවේදීම දැඩිව ක‍්‍රියාත්මක කිරීමට හේමාස් රෝහල් සමූහය කටයුතු කළ අතර, එම පිලිවෙත් අඛණ්ඩව නිවැරදිව ක‍්‍රියාවේ යොදවා ඇති හේමාස් රෝහල් සමූහය රෝගීන් කාණ්ඩගත කර අවදානම නිර්ණය කිරීම, ලබාදිය යුතු ප‍්‍රතිකාරය තීරණය කිරීම, වෛරසය අසාදනය වීමට වැඩි අවදානමක් ඇති රෝගීන් සඳහා වෙන් කොට ප‍්‍රතිකාර ලබා දීම, HEPA පෙරහන් යෙදීම සහ පාරජම්බූල සහ ප්ලාස්මා විශබීජ හරණය මගින් රෝහල තුළ වාතය මගින් තවත් අයකුට මෙම වෛරසය ආසාදනය වීමට ඇති හැකියාව මුළුමනින්ම පාලනය කර ගැනීම, අත් සේදීමේ සහ පිරිසිදුකරගැනීමේ පහසුකම් සපයා දීම, රෝහල වෙත පැමිණෙන අමුත්තන් පාලනය කිරීම, යන පහසුකම් සපයා ඇත. මීට අමතරව රෝගීන් හා සමීපව කටයුතු කරන රෝහල් කාර්ය මණ්ඩලය සඳහා ඉහලම තත්වයේ ප‍්‍රමිතියෙන් යුතු පුද්ගල ආරක්ෂණ උපාංගයන් (PPE) ද සපයා ඇත.

රෝගීන්ගේ සහ රෝහල් සාමාජිකයින්ගේ ආරක්ෂාව සහ සුවපත් බව තවදුරටත් අපගේ ප‍්‍රමුඛතාව බැවින් අන්තර්ජාතික තත්වයේ සුවසේවාවක් පවත්වා ගනිිමින් විශබීජ හරණය සඳහා භාවිතා කරන යහ පිළිවෙත් පවත්වාගෙන යනු ඇත.

හේමාස් රෝහල් සමූහයේ සේවය කරන සියලූ සාමාජිකයින් මෙම අභියෝගාත්මක කාලපරිච්ෙඡ්දයෙහි අඛණ්ඩව ලබා දෙන මිල කළ නොහැකි සේවාව වෙනුවෙන් ඔවුන්ගේ සුභසාධනය උපරිම අයුරින් සලසමින්, සෑම අතින්ම ඔවුන්ට උපකාර කිරීමට නිරතුරුව හේමාස් රෝහල් සමූහයේ කළමණාකාරීත්වය කටයුතු කර ඇත.

කෝවිඞ් 19 වෛරසය රෝහල් පරිශය‍්‍ර තුළින් එහි ප‍්‍රතිකාර ලබා ගන්නා රෝගීන්ට සහ කාර්යමණ්ඩලය වෙත සම්පේ‍්‍රෂණය වීමට ඇති සියලූ අවස්ථාවන්, මුළුමනින්ම පාලනය කර ගැනීමට හේමාස් රෝහල් සමූහයට හැකි වූ බැවින්, කෝවිඞ් පැතීරීම උපරිම ලෙස පාලනය කර ගනු ලැබූ ශ්‍රී ලංකාවේ ප‍්‍රථම රෝහල් සන්නාමය බවට හේමාස් රෝහල් සමූහය පත් ව ඇත. ශ‍්‍රී ලංකා ප‍්‍රමිති ආයතනය විසින් සිදු කරනු ලැබූ ස්වාධින විගණනයකින් අනතුරුව කෝවිඞ් වසංගතය කළමනාකරණය කර ගත් ආරක්ෂිත පරිශ‍්‍රයක් ලෙස හේමාස් රෝහල් සමූහය නම් කළ බැවින් මීට අදාළ ‘‘කෝවිඞ් 19 ආරක්ෂිත කළමනාකරණ ක‍්‍රමවේද සහතිකය (SLS 1672:2020) හේමාස් රෝහල් සමූහයට ප‍්‍රදානය කිරීමට ශ‍්‍රී ලංකා ප‍්‍රමිති ආයතනය කටයුතු කර ඇත. සෞඛ්‍ය අමාත්‍යංශය, වසංගත රෝග ඒකකය මගින් හඳුන්වාදෙනු ලැබූ නියාමනයන් දැඩිව ක‍්‍රියාවේ යෙදවීම සහ ලෝක සෞඛ්‍ය සංවිධානයේ වසංගත රෝග පාලන ඒකකය මගින් දක්වා ඇති ජාත්‍යන්තර නිර්දේශයන්ට අනුකූලව හේමාස් රෝහල් සමූහය විසින් දැඩිව පවත්වාගෙන යන ක‍්‍රමවේද හා නියාමනයන් වෙනුවෙන් මෙම ප‍්‍රමිතිකරණ සහතිකය හේමාස් රෝහල් සමූහයට හිමිවිය.

ජාත්‍යන්තර සෞඛ්‍යසේවා ප‍්‍රමිතිකරණය පිළිබඳ ඔස්ටේ‍්‍රලියානු කවුන්සිලය මගින් පිරිනමන ප‍්‍රමිතිකරණය ACHNI හිමිකර ගත් පළමු ශ‍්‍රී ලාංකීය රෝහල් සමූහය වන හේමාස් රෝහල් ජාලය සේවා ගුණාත්මක බව සහ රෝගීන්ගේ ආරක්ෂාව පිළිබඳව වූ එම ජාත්‍යන්තර ප‍්‍රමිතිය අඛණ්ඩව පවත්වාගෙන යෑමට සමත් වී ඇත.

හෙමාස් රෝහල් සමූහය කෝවිඞ් 19 වෛරසයේ ව්‍යාප්තිය පාලනය සඳහා ශ‍්‍රී ලංකා රජයේ සෞඛ්‍ය අමාත්‍යංශය විසින් ගෙන යන ප‍්‍රජා සෞඛ්‍ය වැඩසටහනේ කොටස්කරුවකු බවට පත් වෙමින් ජාත්‍යන්තර මට්ටමේ ගුණාත්මක සෞඛ්‍ය සේවාවක් දැරිය හැකි මිලකට ලබා දීමේ මෙහෙවර වෙනුවෙන් නිරතුරුව කටයුතු කරනු ඇත.