2023 මාර්තු 01 වන බදාදා දීපව්‍යාප්ත වැඩවර්ජනයක් සිදුකිරීමට නියමිත බවත් ඊට ශ්‍රී ලංකා මහ බැංකුවේ සේවා නියුක්තිකයින්ද එක්වීමට නියමිත බවත් ශ්‍රී ලංකා මහ බැංකුවේ වෘත්තීය සමිත් එකතුව නිවේදනයක් නිකුත් කරමින් කියා සිටී.

මෙහිදී ඔවුන් දැනුම් දී සිටින්නේ එදින ශ්‍රී ලංකා මහ බැංකුවේ සේවක අර්ථසාධක අරමුදල් දෙපාර්තමේන්තුව, ව්‍යවහාර මුදල් කවුළු හා ප්‍රාදේශීය කාර්යයාල මගින් මහජනතාව වෙත සපයන සේවා අඩාල විය හැකි බවයි.

අදාල නිවේදනය පහතින් දැක්වේ.

මහජනතාව වෙත කෙරෙන කාරුණික නිවේදනයයි!

රජය විසින් ක්‍රියාත්මක කරන ජනපීඩක බදු ප්‍රතිපත්තිය සංශෝධනය කිරීම සඳහා දිවයිනේ විවිධ වෘත්තිකයින් අනුයුක්ත වෘත්තිය සමිති හතලික එකතුවෙන් පිහිටුවා ඇති ඒකාබද්ධ වෘත්තිය සමිති සන්ධානය විසින් රජය වෙත ඉදිරිපත් කරන ලද සාධාරණ ඉල්ලීම් කෙරෙහි කිසිඳු සාධනීය ප්‍රතිචාරයක් නොදැක්වීම නිසා 2023 මාර්තු මස 01 වන බදාදා දීපව්‍යාප්ත වැඩ වර්ජනයක් සිදු කිරීමට නියමිත ය. ශ්‍රී ලංකා මහ බැංකුවේ සේවා නියුක්තිකයින් ද මේ සඳහා සහභාගි වනු ඇත.
ඒ අනුව, එදින ශ්‍රී ලංකා මහ බැංකුවේ සේවක අර්ථසාධක අරමුදල් දෙපාර්තමේන්තුව, ව්‍යවහාර මුදල් කවුළු හා ප්‍රාදේශීය කාර්යයාල මගින් මහජනතාව වෙත සපයන සේවා අඩාල විය හැකි බව දන්වා සිටිමු.

මෙයින් ඔබට සිදු වන අපහසුතාව පිළිබඳ ව අපගේ බලවත් කණගාටුව!

මහ බැංකුවේ වෘත්තීය සමිති එකතුව

ඡායාරූපය - ඩේලි මිරර්