Research Intelligence Unit විසිනි

ශ්‍රී ලාංකිකයන් කිසි විටෙකත් මහල් නිවාස වෙත නොයන බව වසර ගණනාවකට පෙර පවසා තිබුණේ, ඔවුන්ගේ ස්වදේශික වටිනාකම් තුළින් උද්‍යාන පහසුකම් සහිත හා අඛන්ඩව නඩත්තු කටයුතු කළ හැකි සහ  පරම්පරාවෙන් පරම්පරාවට උරුම කර දිය හැකි නිවාස සහ ඉඩම් වඩා වැඩි වටිනාකමක් ඉසිලූ බැවිනි. නමුත් දළ දේශීය නිෂ්පාදිතයේ ඉහළ වර්ධනය,   ජීවන තත්ත්වයේ ධනාත්මක වර්ධනය සහ ධනාත්මක බාහිර පරිසරය යන කරුණු මත පසුගිය දක්ෂක දෙක තුළදී  මහල් නිවාස වල සීග්‍ර වර්ධනයක් දක්නට ලැබුණු අතර එමඟින් අතීතයේ සිටියේ පැවත ආ මහල් නිවාස සම්බන්ධයෙන් වූ මිත්‍යාම මතයන් සම්පූර්ණයෙන්ම නිෂ්ප්‍රභ වී ඇති බව පෙනී යයි.  මහල් නිවාස අංශයට වඩාත්ම වැදගත් අභිප්‍රේරණය වූයේ, ඒවායින් උපයන ලාභාංශ හා නගරයේ සියලුම ප්‍රදේශවල අහස උසට දිවෙන නේවාසික මහල් නිවාස ගොඩනැගිලි සංඛ්‍යාව වැඩි වීමය. සන්සුන් ස්වාභාවික සුන්දරත්වයෙන් ආශිර්වාද ලත් ශ්‍රී ලංකාවේ දේපළ වෙළඳාම් වෙළඳපොළ මෑත ඉතිහාසයේ අඳුරුතම පැය හරහා බැබළවීමට දක්ෂ ප්‍රතිපත්ති සම්පාදකයින්ගේ උත්සාහයන් හේතු වී ඇත. 

කොළඹ නගරයේ දැනට ස්ථර 1, 2 සහ 3 මහල් නිවාස ගොඩනැගිලි 14,000 ක් පමණ ඇති අතර තවත් ඒකක 2,566 ක් ඉදිවෙමින් පවතී. කොළඹ තදාසන්න ප්‍රදේශවල, මහල් නිවාස 9,000 කට වඩා ඇති අතර තවත් 3,013 ක් හිමිකරුවන්ට භාරදීමට බලා සිටී. කෙසේ වෙතත්, තව දුරටත් මෙවැනි මහල් නිවාස සඳහා ඇති ආශාව සංසිදී නැත.

මූලාශ්‍රය: RIUNIT ශ්‍රී ලංකා වාර්තාව, 2025

පසුගිය වසර 6 තුළ දේශීය ආර්ථිකය දැඩි ලෙස පීඩාවට පත්ව තිබියදීත්, ආයෝජකයින්ගේ  වත්කම් වල වටිනාකම රඳවා ගැනීමට වත්කම් වර්ග කිහිපයක් සමත් විය. විශේෂයෙන්ම, මහල් නිවාස අංශය එහි ස්ථාවරය පවත්වා ගෙන ගියේය. මහල් නිවාස වල ප්‍රාග්ධන ලාභය ශක්තිමත් කිරීම සඳහා බලපාන කරුණු අතර සංචාරක වර්ධනය, ඩයස්පෝරාව, නාගරීකරණය සහ දැරිය හැකි මිලකට, ස්ථාන පහසුව, සොයන පිරිසක් වර්ධනය වීම කැපී පෙනෙයි.  

කොවිඩ් වසංගතයෙන් පසු සංචාරක ව්‍යාපාරය යළි පිබිදීම මෙන්ම දිවයිනට කෙටි හා දිගු කාලීන සංචාර සඳහා පැමිණෙන ඩයස්පෝරාව ද මහල් නිවාස වල කුලී ආදායම් ඉහළ යාමට හේතු වී තිබේ. නිවාඩු නිකේතනායතන වල වෙළදාම් ස්වභාවය, විවිධ වෙන්කරවා ගැනීමේ යෙදවුම් (Booking apps) වල සීඝ්‍ර වර්ධනයත් සමග වෙනස් විය. තවද එමගින්, මහල් නිවාස සංකීර්ණ වල හිමිකරුවන් සඳහාද හෝටල් හිමිකරුවන් සමඟ ශක්‌තිමත්ව තරග කිරීමට ඉඩ අවකාශය ලැබිණ.  දෙවන සාධකය වූයේ 2019-2023 අතර ඉදිකිරීම් කටයුතුවල සිදු වූ විරාමය වන අතර එමඟින් බොහෝ ගැනුම්කරුවන්ට ප්‍රාථමික වෙළඳපොලේ සුදුසු මහල් නිවාස ඒකක සොයා ගැනීමට නොහැකි වූ අතර පවතින මහල් නිවාස තොගය සඳහා ඉහළ අවශෝෂණයක් ඇති විය. එබැවින්, ස්ථාවර ඉල්ලුම සමඟ ඒකාබද්ධ වූ සීමිත සැපයුම, වෙළඳපොළ මත ඉහළ පීඩනයක් ඇති කිරීමට උපකාරී විය.

අද වන විට, මුදල් අවප්‍රමාණය වීමේ වඩාත් අවාසිදායක සිදුවීම් විඳදරාගත්තද, රාජ්‍ය ණය අර්බුදයට පෙර වෙළඳපොළට ඇතුළු වූ ආයෝජකයින් සහ නිවාස ගැනුම්කරුවන් යන දෙදෙනාම, දැන් ඇමරිකානු ඩොලර් වලින් වුවද ඔවුන්ගේ ආයෝජන මත සැලකිය යුතු ප්‍රාග්ධන ලාභයක් ලබාගෙන ඇත. 

එබැවින්, ශ්‍රී ලංකාවේ මහල් නිවාස, ආදායම් උපයන වත්කමක් ලෙස මෙන්ම මධ්‍ය කාලීනව ප්‍රාග්ධන ලාභ සඳහා වඩාත්ම ලාභදායී ආයෝජනයක් ලෙස තර්ක කළ හැකි බව ඔප්පු වී තිබේ.

ඕනෑම ආයෝජනයක් මෙන්ම, මහල් නිවාසයක් මිලදී ගැනීමට තීරණය කිරීමට පෙර, සලකා බැලිය යුතු තීරණාත්මක සාධක තිබේ. බොහෝ Buy-to-Live Investors සඳහා, ප්‍රථමයෙන්ම පිහිටීමේ පහසුකම (Location Convenience) මූලික සලකා බැලීමක් වේ. පාසල් (Schools), රෝහල් (Hospitals), රැකියාවන් පිහිටි ස්ථාන (Workplace) සහ අනෙකුත් සමාජ–ආර්ථික ව්‍යුහයන්ට ආසන්නභාවය, දෛනික ජීවිතයට ප්‍රායෝගික වටිනාකමක් එක් කරයි.

එයට අමතරව, ව්‍යාපෘතිය ඉදිකරන සංවර්ධකයා (Developer)ගේ විශ්වාසභාවය සහ නිෂ්පාදන ගුණාත්මකත්වය (Product Quality) අවධානයෙන් පරීක්ෂා කළ යුතුය. හොඳ සංවර්ධකයකුගේ ව්‍යාපෘතියක් තෝරා ගැනීම, දිගු කාලීන ආයෝජන ආරක්ෂාව සහ අගය තීරණය කරන විශාලම සාධක වෙයි.

රාජගිරියෙන් කොළඹ 05 දක්වා – නව නාගරිකරණ මධ්‍යස්ථාන

RIUNIT විසින් වසර 15කට පෙරම රාජගිරිය (Rajagiriya) නව අපාර්ට්මන්ට් නාගරිකරණයේ (Apartment Stock Growth) දැවැන්ත අවස්ථාවක් ලෙස ඉඟි කර තිබුණි. අද එය සම්පූර්ණයෙන්ම සනාථ වී ඇත. Fairway Holdings විසින් ගත් නිවරදි තීරණය යටතේ Fairway Residencies, Fairway Elements, Fairmount Residencies සහ Fairway Sky Garden වැනි ව්‍යාපෘති (Projects) හඳුන්වා දීම, රාජගිරිය ඉක්මනින්ම ප්‍රාදේශීය සහ විදේශීය සංවර්ධකයින් (Local & Foreign Developers)ගේ ආකර්ෂණයට ලක්වූ කලාපයක් බවට පත් කළේය.

මෙහිදී සමාජ, ආර්ථික සහ භෞතික ව්‍යුහයන් (Social, Economic & Physical Infrastructure) ගොඩනගා ගෙන යාම, එම ප්‍රදේශයේ ආකර්ෂණය තවදුරටත් වැඩි කළේය. මෙය අපේක්ෂා කළ ආකාරයෙන්ම, අද අපගේ දේපළ නිරීක්ෂණයන් (Real Estate Surveillance) තුළ කොළඹ 05 (Colombo 05) නව ප්‍රමුඛ කලාපයක් ලෙස පිහිට ගෙන ඇත. අප සිතන්නේ ඉදිරියේදී මෙම ප්‍රදේශය, අපාර්ට්මන්ට් ජීවිතය (Apartment Living) සඳහා වේගයෙන් වර්ධනය වන නව මධ්‍යස්ථානයක් බවට පත්වනු ඇත.

අනාගත දැක්ම – ඉහළ පන්තියේ වෙළඳපොලේ දීර්ඝ මග

වසර 22ක පළපුරුද්දක් සහිත RIUNIT, උසස් පන්තියේ අපාර්ට්මන්ට් වෙළඳපොල (High-End Apartment Market) තවදුරටත් ධනාත්මක මගක් ගෙන යන බව අපේක්ෂා කරයි. ජනගහණය (Demographics), මධ්‍යම පන්තියේ ආදායම් ඉහළ යාම (Rising Middle-Class Incomes), සහ සංචාරක කර්මාන්තයේ වර්ධනය (Tourism Growth) වැනි බහුකාරක මූලික සාධක මේ සඳහා බලපායි. එමෙන්ම, කොළඹ නගරයේ ගෘහ නිවාස (Houses) සහ ඇපාර්ට්මන්ට් (Apartments) අතර අනුපාතය, අපේ කලාපයේ වෙනත් නගර මධ්‍යස්ථාන සමඟ සැසඳිය හැකි විශාල පරතරයක් දැක්වීමත්, දිගු කාලීනව නව සංවර්ධන ඉහළ යාමට ඉඩ සලසයි.

නායකත්ව අදහස් – ආර්ථික උත්සාහය හා දේපළ කර්මාන්තය

RIUNIT හි ප්‍රධාන විධායක නිලධාරී (CEO) රොෂාන් මඩවෙල මහතා මෙසේ සඳහන් කළේය:
“රජය දිගු කාලීන ආර්ථික උත්සාහයක (Economic Strategy) කොටසක් ලෙස දේපළ කර්මාන්තය (Real Estate Sector) සංවර්ධනය කළහොත්, රටට අනාගතයේදී විශාල වාසි ගෙන එයි. ඩුබායි හි දේපළ කර්මාන්තය ඉක්මන් සංවර්ධන කාලය තුළ ජාතික දේශීය ආදායමට (GDP) ප්‍රධානම දායකයා බවට පත්වූයේ මේ හේතුවෙනි. ශක්තිමත් දේපළ කර්මාන්තයක්  මගින්, මූල්‍ය ක්ෂේත්‍රය (Financial Sector), ඉදිකිරීම් කර්මාන්තය (Construction Industry) සහ සංචාරක කර්මාන්තය (Tourism Sector) සෘජුවම ශක්තිමත් කරයි. නේවාසික ඇපාර්ට්මන්ට් සංවර්ධන (Residential Apartment Developments) සහ සංචාරක කර්මාන්තය අතර අනුසංවර්ධන වාසි (Cross-Fertilising Benefits) සෙයිෂෙල්ස් (Seychelles), තායිලන්තය (Thailand), ඉන්දුනීසියාවේ බාලි (Bali), ස්පාඤ්ඤය (Spain) සහ කැරිබියානු (Caribbean) රටවල්වල අත්දැකීම් මගින්ද සනාථ වේ. එබැවින්, වෙළඳපොලට සීමා පැනවීම වෙනුවට, මධ්‍යම පන්තිය (Middle Class) සඳහා නව නේවාසික ගෘහ නිවාස (Mid-Range Housing) සැපයීමේ හිඟය සපුරා ගැනීමේ අරමුණින්, සංවර්ධකයින්ට (Developers) රජය වට්ටම් සහ ප්‍රොත්සාහන (Incentives) ලබා දිය යුතුය.”