අලියාන්ස් ඉන්ෂුවරන්ස් ලංකා ලිමිටඩ් සමාගම විසින් පසුගිය ඔක්තෝබර් මස 2 වන දින The Grand Monarch හෝටලයේදී Allianz Claims Excellence Awards 2024 උළෙල අති උත්කර්ශවත් ලෙස සංවිධානය කරන ලදී. මෙහිදී විශිෂ්ට සේවා කාර්ය සාධන ප්‍රදර්ශනය කළ සේවක සේවිකාවන් සහ කණ්ඩායම් ගෞරවයට පාත්‍ර කෙරුණි.

පාරිභෝගිකයින්ට උසස් තත්ත්වයේ හිමිකම් සේවාවක් ලබා දීමේ අලියාන්ස් සමාගමේ පොරොන්දුව අඛණ්ඩව රැක ගන්නා සේවකයින්ගේ කැපවීම, විශිෂ්ටත්වය සහ වෘත්තීයභාවය සමරනු වස් මෙම අවස්ථාව සංවිධානය කර තිබේ. පාරිභෝගික විශ්වාසය, සේවා ගුණාත්මකභාවය සහ මෙහෙයුම් විශිෂ්ටත්වය කෙරෙහි සමාගමේ අචල කැපවීම මෙම සම්මාන උළෙල හරහා හෙලිදරව් විය.

අපේක්ෂා ඉක්මවා ගිය කාර්ය සාධනයන් හඳුනා ගැනීම සහ සේවාවේ සෑම අදියරකදීම පාරිභෝගික විශ්වාසය වඩාත් ශක්තිමත් කිරීම අලියාන්ස් ලංකා හි ප්‍රධාන සංස්කෘතියක් බව මෙම සම්මාන උළෙල මගින් ප්‍රකාශයට පත් වූ බව සමාගම පැවසීය.

අලියාන්ස් ඉන්ෂුවරන්ස් ලංකා ලිමිටඩ් සමාගම යනු ජර්මනියේ මියුනිච් නුවර මූලස්ථානය කර ඇති ලෝක ප්‍රසිද්ධ Allianz SE සමාගමේ සම්පූර්ණ හිමිකාරීත්වය දරන අනුබද්ධ ආයතනයකි. රක්ෂණ හා වත්කම් කළමනාකරණ සේවා සපයන ගෝලීය මූල්‍ය සේවා දැවැන්තයෙකු වන අලියාන්ස් සමාගම, Interbrand සහ Brand Finance විසින් ලොව අංක එකේ රක්ෂණ සන්නාමය ලෙස පිළිගැනීමට ලක්ව ඇත.