අඛණ්ඩ දින 3ක දැවැන්ත පසුබැස්මකින් පසු කොළඹ කොටස් වෙළෙඳපොළ ආයෝජකයින්ට යම් අස්වැසිල්ලක් ලබා දෙමින් මිල දර්ශකවල ඉහළ යාමක් අද (15) දිනයේ දී වාර්තා විය.

ඒ අනුව සියලු කොටස් මිල දර්ශක අගය ඒකක 175.09ක වර්ධනයක් අත්පත් කරගනිමින් ඒකක 19,971.15ක් දක්වා ඉහළ ගිය අතර S&P SL20 දර්ශකය ඒකක 22.59ක වර්ධනයක් වාර්තා කරමින් දිනයේ ගනුදෙනු අවසානයේ දී ඒකක 5,699.02ක් ලෙසින් සටහන් විය.

අද දින රු. බිලියන 1.49ක ගනුදෙනු පිරිවැටුමක් වාර්තා වී තිබේ.