කොළඹ කොටස් වෙළඳ පොළේ සමස්ත මිල දර්ශකය මේ වසරේ වැඩිපුරම පහළ ගිය දිනය ලෙස අද දිනය වාර්තා වූ අතර සමස්ත මිල දර්ශකය අද ගනුදෙනු අවසානයේදී ඒකක 136.78 කින් පහත වැටී ඒකක 7,184.22 ක් විය.

ප්‍රතිශතයක් ලෙස මෙම පහළ වැටීම සියයට 1.87 කි.

මීට අමතරව, එස් ඇන්ඩ් පී මිල දර්ශකය අද ඒකක 95.47 කින් පහළ ගොස් ඒකක 4,014.55 ක් වූ අතර එය සියයට 2.32 ක පහළ යාමකි.

අද වෙළඳ පොළ පිරිවැටුම රුපියල් බිලියන 1.9 ක් වන අතර කොටස් මිලියන 128.6 ක් ගනුදෙනු විය.

පසුගියදා කොළඹ කොටස් වෙළඳ පොළ සහ විනිමය කොමිසම එක්ව ප්‍රාග්ධන වෙළඳ පොළ පිළිබඳ දැනුවත් කිරීමේ ජාත්‍යන්තර සමුළුවක්ද කොළඹදී පැවැත්වීය.