Ceyline Group අනුබද්ධ Cargoserv Shipping සමාගම, භාණ්ඩ ප්‍රවාහනයේ නවතම සන්ධිස්ථානයක් සනිටුහන්කරමින් Prima Ceylon සමඟ අත්වැල් බැඳගෙන ශ්‍රී ලංකාවේ ප්‍රථම බහු-මාදිලි දුම්රිය භාණ්ඩ ප්‍රවාහන විසඳුම හඳුන්වා දෙයි. මෙරට දුම්රිය පද්ධතිය පාදක කරගත්, මෙම ප්‍රවාහන හා ප්‍රති -  ප්‍රවාහන විසඳුම තුළින්, භාණ්ඩ ප්‍රවාහනයේදී සිදුවන පාරිසරික බලපෑම සැලකිය යුතු ලෙස අඩු කරන අතර සමාගම්වල සැපයුම්දාම කාර්යක්ෂමතාවද වැඩි කෙරේ. ඒ අනුව මෙම විප්ලවීය විසඳුම හඳුන්වා දෙමින් භාණ්ඩ ප්‍රවාහනයේ සුවිශේෂී වෙනසක් ඇති කිරීම මෙම සහයෝගීතාවයේ අරමුණයි.

දැනටමත් Nestle Lanka Ltd ස්වකීය සමාගමේ අවශ්‍යතා සඳහා මෙම විප්ලවීය විසඳුම භාවිත කර ප්‍රවාහන කටයුතු ආරම්භ කිරිමත් සමඟ, මෙම ජාලයෙහි භාණ්ඩ ප්‍රවාහනය වේගවත්ව  තිබේ. ඒ අනුව, අලුතින් ස්ථාපිත කළ මෙම ජාලය, සිය ප්‍රවාහන අවශ්‍යතා වෙනුවෙන් උපයෝගී කරගත් මුල්ම සේවා දායක සමාගම බවට එම සමාගම පත්ව තිබේ. එම සමාගම සිය භාණ්ඩ ප්‍රවාහන කටයුතු මේ හරහා ආරම්භ කළේ, තම සිය බහාලුම් ත්‍රිකුණාමලය, මඩකලපුව, කල්මුනේ, වවුනියාව, කිලිනොච්චි සහ යාපනය යන ප්‍රදේශයන්හි බෙදාහැරීම් මධ්‍යස්ථාන දක්වා යවමිනි. වරකට බහාලුම් 24  ක්  රැගෙන යා හැකි මෙම භාණ්ඩ ප්‍රවාහන දුම්රිය ජාලය උපයෝගී කරගනිමින් Cargoserv Shipping මේ වන විටත් නැගෙනහිර සිට උතුර දක්වා වර්ග අඩි විස්සකට අධික බහාලුම් 400 කට අධික ප්‍රමාණයක් රැගෙන යාම සඳහා  සාර්ථකව පහසුකම් සපයා ඇත.

මෙම, විප්ලවීය දුම්රිය භාණ්ඩ ප්‍රවාහන විසඳුමෙහි ඇති විශ්වසනීයත්වය පිළිබඳව Cargoserv Shipping විසින් Prima Group හා එක්ව, 2021 ජනවාරි මාසයේ සිටම දැඩි ලෙස පරීක්ෂා කර ඇති අතර එම පරීක්ෂණ මගින් සනාථ වන්නේ, මෙම නවතම භාණ්ඩ ප්‍රවාහන ජාලය උපයෝගී කරගෙන, කිසිදු බාධාවකින් තොරව කාර්යක්ෂම අයුරින් මෙරට  සමාගම්වල  අවශ්‍යතා අනුව භාණ්ඩ ප්‍රවාහනය සහතික කෙරෙන බවයි. එමෙන්ම, දුම්රිය මගින් භාණ්ඩ ප්‍රවාහනය කිරීමේදී, කාබන් විමෝචනය හා භාණ්ඩ තොග ප්‍රවාහන සඳහා වැයවන පිරිවැයද අවම කෙරෙන අතර, මහා මාර්ග භාවිතා කිරීමේදී මතුවන ප්‍රමාදයද එමගින් අවම වේ. එමෙන්ම, භාණ්ඩ ප්‍රවාහනය සඳහා යොදාගන්නා සාම්ප්‍රදායික ට්‍රක් රථ  හෝ ලොරි රථ මෙන් නොව, දුම්රිය කාලසටහන් කල් තියා දැනගත හැකි බැවින් නියමිත වේලාවට නියමිත ගමනාන්තයට භාණ්ඩ ළඟා වන බවද සහතික කෙරේ. ඒ හේතුවෙන්, වාසි රැසක් අත් විදිමින් භාණ්ඩ ප්‍රවාහන කටයුතු ඉහළම කාර්යක්ෂමතාවයකින් යුතුව, ඉතා පහසුවෙන් හා ආරක්ෂිතව මේ හරහා සිදු කර ගත හැකි වේ.

මෙම සුවිශේෂි සහයෝගිතාවය පිළිබඳව අදහස් දක්වමින්, Ceyline Group හි සමූහ කළමනාකාර අධ්‍යක්ෂ චතුර ලකිඳු මෙලෙස සඳහන් කළේය . “මෙම පරිවර්තනීය සහයෝගීතාවයේ පාර්ශ්වකරුවන් බවට පත්වීම අපට ආඩම්බරයට කාරණයක්. මේ සහයෝගිතාවය තුළින්, සැපයුම් තිරසාරත්වය  සම්බන්ධයෙන් නවතම  සන්ධි ස්ථානයක් සනිටුහන් කිරීමට අපට හැකි වුණා. සැපයුම් දාම කටයුතු සඳහා දුම්රිය ප්‍රවාහනය ඒකාබද්ධ කිරීමෙන්, පරිසර හිතකාමී විසඳුම් ප්‍රවර්ධනය කරමින් කාර්යක්ෂමතාව වැඩි කිරීම අපි කටයුතු කරනවා.”

“මෙලෙස තිරසාර සැපයුම් කටයුතු සඳහා පෙළඹෙන අපි, සිය භාණ්ඩ ප්‍රවාහන කටයුතු මගින් සිදුවන කාබන් විමෝචනය අඩු කරන ප්‍රවාහන විසඳුම් සඳහා අප හා එක්වන ලෙස ශ්‍රී ලාංකික ව්‍යාපාරවලට අපි ආරාධනා කරනවා. මෙය පිරිවැය අඩු, වඩාත් පරිසර හිතකාමී හා කාර්යක්ෂම සැපයුම් ජාලයක් ශ්‍රී ලංකාව තුළ ස්ථාපිත කිරීම වෙනුවෙන් අප තැබූ පියවරක්.” යනුවෙන් Cargoserv Shipping සමාගමේ සාමාන්‍යාධිකාරී ප්‍රභාත් කරුණාරත්න මහතා සඳහන් කළේය.

Prima Group හි නියෝජ්‍ය සාමාන්‍යාධිකාරී දර්ශන ද සිල්වා මහතාද මේ පිළිබඳව අදහස් දැක්විය. “භාණ්ඩ ප්‍රවාහනය මහා මාර්ගයෙන් දුම්රියට භාණ්ඩ මාරු කිරීමෙන්, ප්‍රීමා සමාගම වාර්ෂිකව කිලෝමීටර් මිලියන 2 ක් පමණ දුරක් ධාවනය කෙරෙන  ට්‍රක් රථ හෝ ලොරි රථ මගින් භාණ්ඩ ප්‍රවාහනය නවතා ඇති අතර, එමඟින් මාර්ග තදබදය හා ඉන්ධන පරිභෝජනය සැලකිය යුතු ලෙස අඩු කිරීම සඳහා දායක වීමටත්  අප සමාගමට හැකි වී තිබෙනවා. මෙම ජාලය තුළින්ම, තම සමාගම වෙත භාණ්ඩ ප්‍රති-ප්‍රවාහනය කිරිම සඳහාත් අප, Nestle Lanka සමාගමට ආරාධනා කරනවා. ඒ වගේම, ශ්‍රී ලංකා දුම්රිය සේවය භාවිත කරමින් දුම්රිය මගින් භාණ්ඩ ප්‍රවාහනය යථාර්ථයක් බවට පත් කළ Cargoserv Shipping සමාගමට අපගේ ප්‍රශංසාව පුද කිරීමටත් කැමතියි.”

Nestle Lanka හි සැපයුම් දාම අධ්‍යක්ෂක කාංචන ප්‍රනාන්දු මහතා අදහස් දක්වමින්, “මෙම සහයෝගිතාවය තුළින්, අපගේ තිරසාර ඉලක්ක සමඟ අනුගතව කාබන් විමෝචනය අඩු කරගනිමින්, අපගේ බෙදාහැරීමේ ජාලයද ප්‍රශස්ත කරන පියවරක් අනුගමනය කිරීමට අපට හැකියාව ලැබුණා.  අපගේ ව්‍යාපාරයට වගේම පරිසරයට ප්‍රතිලාභ අත්කර දෙන විකල්ප ප්‍රවාහන විසඳුම් වෙත යොමු විමට හැකි වීම සතුටට කාරණයක්.” යනුවෙන් පැවසීය.

ඡායාරූපය - (වමේ සිට) Prima Ceylon හි සහකාර කළමනාකරු -භාණ්ඩ ප්‍රවාහන කාවින්ද ජයතිලක,  Prima සමාගමේ නියෝජ්‍ය සාමාන්‍යාධිකාරි දර්ශන ද සිල්වා, Ceyline Group හි සමූහ කළමනාකාර අධ්‍යක්ෂ චතුර ලකිඳු, Cargoserv Shipping සමාගමේ සාමාන්‍යාධිකාරී ප්‍රභාත් කරුණාරත්න, Cargoserv Shipping හි මුල්‍ය කළමනාකාර මනෙල්ක ජයවර්ධන යන මහත්වරුන් ඡායාරූපයට පෙනි සිටි අවස්ථාව