නාවලපිටිය, දඹුල්ල සහ කුලියාපිටිය යන දිස්ත්‍රික් රෝහල් සඳහා CT ස්කෑන් යන්ත්‍ර 03ක් (64 Slices) සැපයීම, බෙදා හැරීම, ස්ථාපනය, ක්‍රියාත්මක කරවීම හා නඩත්තු කිරීම සඳහා ජාතික තරගකාරී ලංසු කැඳවා තිබේ. ඒ සඳහා ලංසු 04ක් ලැබී ඇත.

ඒ අනුව, ඉහළ මට්ටමේ ස්ථාවර ප්‍රසම්පාදන කමිටුවේ සහ ප්‍රසම්පාදන අභියාචන මණ්ඩලයේ නිර්දේශ මත පදනම්ව නාවලපිටිය, දඹුල්ල සහ කුලියාපිටිය දිස්ත්‍රික් රෝහල් සඳහා CT ස්කෑන් යන්ත්‍ර 03ක් (64 Slices) සපයා ගැනීම සඳහා වන ප්‍රසම්පාදනය M/s Hayleys Lifesciences (Pvt). Ltd වෙත පිරිනැමීම පිණිස සෞඛ්‍ය සහ ජනමාධ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.