මහ බැංකුවේ හිටපු සහකාර අධිපති ආචාර්ය එච්. එන්. තේනුවර මහතා විසින් රචිත Economic Policy Lessons for New Sri Lanka කෘතිය එළි දැක්වීම කොළඹ බණ්ඩාරනායක සම්මන්ත්‍රණ ශාලා පරිශ්‍රයේ දී ඊයේ (09) සිදු කෙරිණි.

ආචාර්ය තේනුවර මහතා විසින් මෙරට පුවත්පත් සඳහා විවිධ අවස්ථාවල දී ලියන ලද ශ්‍රී ලංකාවේ ආර්ථිකයේ කාලීන ප්‍රවණතාවන් පිළිබඳ ලිපි එකතුවක් මෙම කෘතියට ඇතුළත් ය.

ගරු මුදල් අමාත්‍යතුමා නියෝජනය කරමින් පෞද්ගලික ලේකම් ආර්.ඒ. දිල්ෂාන් චාමිකර මහතා මෙම අවස්ථාවට එක්ව සිටියේ ය. මහ බැංකුවේ හිටපු නියෝජ්‍ය අධිපති ආචාර්ය ඩබ්ලියු. ඒ. විජේවර්ධන මහතා ඇතුළු මහ බැංකුවේ හිටපු නිලධාරීහු රැසකගේ සහභාගීත්වයෙන් පැවැති මෙම උත්සවය සඳහා විද්වත්හු, කලාකරුවෝ, මාධ්‍යවේදීහූ, දේශපාලන හිතවත්හු ඇතුළු පිරිසක් ද සහභාගී වූහ.