July, 13, 2020
ශ්රී ලංකා මහ බැංකුවේ මුදල් මණ්ඩලය විසින් 2011 අංක 42 දරන මුදල් ව්යාපාර පනතේ 31 වන වගන්තිය ප්රකාරව, 2020 ජූලි මස 13 වන දින සිට බලපැවැත්වෙන පරිදි ETI ෆිනෑන්ස් ලිමිටඩ් සහ ස්වර්ණමහල් ෆයිනෑන්ෂියල් සර්විසස් පීඑල්සී යන ආයතන දෙකෙහි ව්යාපාර කටයුතු අත්හිටුවීම සඳහා 2020 ජූලි මස 10 වන දින තීරණය කර තිබේ.
2011 වසරේ සිට පැවති විවිධ අක්රමිකතා හේතුකොටගෙන ETI ෆිනෑන්ස් ලිමිටඩ් ආයතනය සහ ස්වර්ණමහල් ෆයිනෑන්ෂියල් සර්විසස් පීඑල්සී ආයතනය මේ වන විට බංකොලොත්භාවයට පත්ව ඇත. ශ්රී ලංකා මහ බැංකුව විසින් එම ආයතන යථා තත්ත්වයට පත් කිරීම සඳහා සපයන ලද මාර්ගෝපදේශන සඳහා සෑහීමකට පත්විය හැකි පිළියම් යෙදීමට මෙම ආයතනවල අධ්යක්ෂ මණ්ඩලය සහ කළමනාකාරීත්වය දිගින් දිගටම අපොහොසත් වීම නිසා 2018 ජනවාරි 02 වන දින ශ්රී ලංකා මහ බැංකුවේ මුදල් මණ්ඩලය විසින් එකී ආයතනවල මෙහෙයුම් කටයුතු සීමා කිරීම, අධ්යක්ෂ මණ්ඩලයේ බලතල සීමා කිරීම මෙන්ම එම ආයතන කටයුතු අධීක්ෂණය සඳහා කළමනාකාර මණ්ඩලයක් පත් කරන ලදී.
ඉන් අනතුරුව ගනුලැබූ ක්රියාමාර්ග මඟින් මෙම ආයතන වල පැවති මුළු තැන්පතු වලින් 30% ක ප්රමාණයක් තැන්පතුකරුවන් වෙත ගෙවීමට එම ආයතන වලට අවස්ථාව සැලසුණි. මුදල් මණ්ඩලයේ විධානයන් මඟින් ආයතන දෙකෙහිම අධ්යක්ෂවරුන් වෙත එකී ආයතන යථා තත්වයට පත් කිරීම සඳහා සුදුසු ආයෝජකයින් ඉදිරිපත් කිරීමට නියම කර තිබුණ ද, ක්රියාවට නැංවිය හැකි කිසිදු සාර්ථක යෝජනාවක් ඉදිරිපත් කිරීමට ඔවුන් අපොහොසත් වූ අතර ආයතනයන්හි මූල්ය තත්වයද ක්රමයෙන් පසුබෑමට ලක්වීම අඛණ්ඩව සිදුවිය.
එහි ප්රතිඵලයක් ලෙස ආයතන දෙකෙහිම තැන්පතු කල්පිරුණද, ඒවා තැන්පතුකරුවන්ට ගෙවීමට නොහැකි තත්වයකට වර්තමානය වන විට ආයතන දෙකම පත් වී ඇත.
ඊ ටී අයි ෆිනෑන්ස් ලිමිටඩ් සහ ස්වර්ණමහල් ෆයිනෑන්ෂියල් සර්විසස් පී.එල්.සී යන ආයතන වල ව්යාපාර කටයුතු අත්හිටුවීමත් සමඟ, ශ්රී ලංකා මහ බැංකුවේ ස්ථාපිත, ශ්රී ලංකා තැන්පතු රක්ෂණ හා ද්රවශීලතා ආධාරක ක්රමය මඟින් එහි පවත්නා නීති හා රෙගුලාසි ප්රකාරව, රක්ෂිත තැන්පතුකරුවන් හට වන්දි ගෙවීමට අවශ්ය ක්රියාමාර්ග ගනු ලබන අතර එමඟින්,
තවද 2020 ජූලි 13 වන දින සිට බලපැවැත්වෙන පරිදි, 2000 අංක 56 දරන කල්බදු මූල්යකරණ පනතෙහි 9(1) වගන්තිය ප්රකාරව “ලියාපදිංචි මූල්ය කල්බදු ආයතන” ලෙස ඊ ටී අයි ෆිනෑන්ස් ලිමිටඩ් ආයතනය සහ ස්වර්ණමහල් ෆයිනෑන්ෂියල් සර්විසස් පී.එල්.සී ආයතනය ලබා තිබූ ලියාපදිංචි සහතිකයන් අත්හිටුවීමේ නිවේදන නිකුත් කිරීමට ශ්රී ලංකා මහ බැංකුවේ බැංකු නොවන මූල්ය ආයතන අධීක්ෂණ දෙපාර්තමේන්තුවේ අධ්යක්ෂවරයා විසින් තීරණය කර ඇත.
ඒ අනුව මෙම ආයතන සම්බන්ධයෙන් ගනු ලබන ඉදිරි පියවර පිළිබඳව ඉදිරියේදී ඔබව දැනුවත් කෙරෙනු ඇත.
මේ සම්බන්ධ වැඩිදුර තොරතුරු සඳහා පහත දක්වා ඇති ක්රම ඔස්සේ විමසීම් කළ හැක.
ආයතනය | අරමුණු | දුරකථන අංක | ඊමේල් ලිපින |
ශ්රී ලංකා මහ බැංකුවේ බැංකු නොවන මූල්ය ආයතන අධීක්ෂණ දෙපාර්තමේන්තුව | ව්යාපාර කටයුතු අත්හිටුවීම සම්බන්ධ විමසීම් | 011 2477229
011 2477504 |
snbfi_query@cbsl.lk |
ශ්රී ලංකා මහ බැංකුවේ නිරාකරණ හා බල ගැන්වීමේ දෙපාර්තමේන්තුව | තැන්පතු රක්ෂණ ක්රමය යටතේ මුදල් ගෙවීම සම්බන්ධ විමසීම් | 011 2398788
011 2477261
|
dred@cbsl.lk |
ඊ ටී අයි ෆිනෑන්ස් ලිමිටඩ් | තැන්පතු සහ ණය පිළිබඳ සියලු විමසීම් | 011 7534200 | info@eti.lk |
ස්වර්ණමහල් ෆයිනෑන්ෂියල් සර්විසස් පී.එල්.සී | 011 7534800 | info@sfs.lk |
Video Story