ඉංග්‍රීසි භාෂාව පිළිබඳ ජාත්‍යන්තරව පිළිගත්  TOEFL පරීක්ෂණයට මුහුණ දෙන අයදුම්කරුවන්ට ETS වෙතින් දැන් එම පරීක්ෂණය විශිෂ්ටතම හා පහසු අත්දැකීමක් බවට පත්කර තිබේ. පරීක්ෂණය සඳහා ලබාදෙන උපදෙස් හා මෙහෙයවීම් විධිමත් කිරීමේ ප්‍රතිඵලයක් ලෙසින්, TOEFL පරීක්ෂණය පෙරට වඩා කෙටි කාලයක් ඇතුළත සම්පූර්ණ කිරීමට ඉඩ කඩ සලස්වා තිබෙන අතර, පරීක්ෂණ ක්‍රමවේදයන්ද අයදුම්කරුවන්ට වඩාත් පහසු ලෙස යාවත්කාලීන කර තිබේ.

ඒ අනුව, 2023 ජූලි මස 26 වැනි දා සිට වැනිදා සිට TOEFL පරීක්ෂණය සඳහා පෙනී සිටීමට අපේක්ෂා කරන අයදුම්කරුවන්ට එය පැය දෙකක් වැනි කෙටි කාලයක් ඇතුළත සම්පූර්ණ කිරීමට හැකියාව සැලසේ. මින් පෙර එම පරීක්ෂණය සඳහා පැය තුනක 3 ක තරම් කාලයක් ගතව තිබිණි. එමෙන්ම, මින් පෙර එම පරීක්ෂණයෙහි අංග ලෙසින් වෙන් වෙන්ව පැවති Independent Writing අංගය හා Reading සඳහා වූ කෙටි පරීක්ෂණ අංගය ඉවත් කර, ඒ වෙනුවට Writing for an Academic Discussion යනුවෙන් ප්‍රශස්ත අංගයක් එක් කර එමගින්, අයදුම්කරුවන්ගේ ලිවීමේ හා කියවීමේ මට්ටම පරික්ෂා කෙරේ. පෙර එක් කර තිබූ ලකුණු නොලබන සියලු ප්‍රශ්න, මෙහිදී ඉවත් කෙරෙන පරිදි TOEFL iBT ක්‍රමවේදය විධිමත් කර තිබීමද අයදුම්කරුවන්ට පහසුවකි.

TOEFL iBT සඳහා  ලියාපදිංචි වීම, සරල ලියාපදිංචි කිරීමේ ක්‍රමවේදයක් සමගින් 2023 ජූලි මස ඇරඹෙන අතර, තමන්ගේම ගිණුමක් මගින් ඒ සඳහා ලියාපදිංචි වී, මෙම පරීක්ෂණයට පෙනී සිටීමට අන් කවරදාටත් වඩා පහසු හා ඉක්මන් දිනයක් ලබා ගැනීමට හැකියාවක් පවතී.  එමෙන්ම, අයදුම්කරුවන්ට පරීක්ෂණය අවසන් වූ වහාම නිල ප්‍රතිඵල නිකුත් කෙරෙන දිනය දැන ගැනීමට ද හැකි වන අතර, තමන්ගේ ලකුණු මට්ටම වෙනස් වන ආකාරය තම TOEFL ගිණුමෙහි සජීවී notification මගින්ද බලා ගත හැකි වේ.

"අධ්‍යයන හා ඉගැන්වීමේ කාර්යයන් සඳහා නවතම  ක්‍රමවේද හඳුන්වා දෙමින් අනාගත ඇගයීම් ක්‍රමවේදයන්හි කැපී පෙනෙන වෙනස්කම් සිදු කිරීමට ETS කටයුතු කරමින් සිටිනවා. TOEFL පරීක්ෂණය එම උත්සාහයන්වල වැදගත්ම සන්ධිස්ථානයක්". ETS ආයතනයේ ප්‍රධාන විධායක නිලධාරී අමිට් සේවාක් පවසයි. "TOEFL කියන්නේ දශක 6 කට ආසන්න කාලයක් තිස්සේ ලෝකයේ ප්‍රමිතිගත මට්ටමට පත්ව තිබෙන පරීක්ෂණයක්. මෙම නවතම යාවත්කාලීන ක්‍රමවේද, එම ජාත්‍යන්තර ප්‍රමිතිය තවදුරටත් ස්ථාපිත කිරීමට ඉවහල් වෙනවා. අපගේ ගනුදෙනුකරුවන් හා පාර්ශවකරුවන් කෙරෙහි ඉහළම ප්‍රමුඛතාව ලබා දෙන ආයතනයක් වශයෙන්, මෙම නවතම යාවත්කාලීන කිරීම් ඔවුන්ගේද අදහස් විමසා බලා සකස් කර තිබීම වැදගත්".

ඒ අනුව, TOEFL iBT පරීක්ෂණයට පෙනී සිටීමට අපේක්ෂාවෙන් මේ වන විටත් ඒ සඳහා ලියාපදිංචි වී, පරීක්ෂණ සඳහා දින වෙන් කරවා ගෙන තිබෙන අයදුම්කරුවන්ටද නවතම යාවත්කාලීන කිරීම යටතේ පැවැත්වෙන විශිෂ්ටතම TOEFL අත්දැකීම විඳ ගැනීමට අවස්ථාව පවතී. එමෙන්ම, TOEFL iBT Free PraPractice Test සහ TOEFL iBT Practice Sets දැන් TOEFL වෙබ් අඩවිය තුළින් ලබාගත හැකිය. මීට අමතරව, නොමිලේ සහ මුදල් අය කෙරෙන අමතර පෙර පුහුණු පරීක්ෂණ ද ඉදිරි සති කිහිපය තුළ තුළ යාවත්කාලීන කිරීමට නියමිතය.  මෙම යාවත්කාලීන කිරීම් සමග TOEFL iBT ලකුණු පරිමාණයන්හි කිසිදු වෙනසක් සිදු නොවන බැවින්, පෙර පරීක්ෂණ සදහා පෙනී සිට ලබාගත් ලකුණු පෙර පරිදි භාවිත කිරීමට අයදුම්කරුවන්ට හැකියාව පවතී.

TOEFL යනු ඉංග්‍රීසි භාෂාව සම්බන්ධයෙන් අයදුම්කරුවන්ගේ දැනුම නිවැරදි ආකාරයෙන් මැන බැලෙන ලොව වඩාත් පිළිගත්, වඩාත් විශ්වාසදායක මෙන්ම ලොව පුරා  රටවල් ගණනාවක් සඳහා වලංගු පරීක්ෂණ ක්‍රමවේදයකි. මෙලෙසින්, නවීනතම වෙනස්කම්, යාවත්කාලීන කිරීම හා විධිමත් කිරීම සමගින් ETS වෙතින් පිරිනැමෙන TOEFL iBT පරීක්ෂණය, අයදුම්කරුවන් සඳහා පහසු හා කාලය ඉතිරි කරන අත්දැකීමක් බවට පත් කර තිබීම ප්‍රශංසනීය කරුණකි. එය ඔවුන්ට විභාග ආතතියෙන් තොර ප්‍රීතිමත් TOEFL අත්දැකීමක් වනු ඇති බවට නොඅනුමානය.

TOEFL iBT පරීක්ෂණයෙහි නවතම යාවත්කාලීන කිරීම් පිළිබඳව වැඩිදුර විස්තර දැන ගැනීම සඳහා www.ets.org/toefl/ibt-enhancements වෙත යොමුවන්න. ගිණුමක් විවෘත කිරීම සඳහා, පරීක්ෂණයට ලියාපදිංචි වීම සඳහා, පෙර පුහුණු පරීක්ෂණ සඳහා හෝ මූලාශ්‍ර වෙත යොමුවීම සදහා  www.ets.org/toefl  විවෘතය.