උතුරු අධිවේගී මාර්ග ව්‍යාපෘතිය ඉදිකිරීම සඳහා පසුගිය රජයට ඇස්තමේන්තු ලබාදුන් චීන සමාගම මාර්ගය ඉදිකිරීමට රුපියල් කෝටි 5000 ක් අඩුවෙන් වර්තමාන රජයට නව ඇස්තමේන්තුවක් ලබාදුන් බව මුදල් අමාත්‍යවරයා කියයි.

මුදල් අමාත්‍ය රවී කරුණානායක මහතා අද කොළඹදී අදහස් දක්වමින් පැවසුවේ උතුරු අධිවේගී මාර්ග ව්‍යාපෘතිය සඳහා රුපියල් කෝටි 24,800 ක් වැයවෙනු ඇතැයි මෙම සමාගම විසින් පසුගිය රජයට ඇස්තමේන්තුවක් ලබාදී තිබුණු බවයි.

වත්මන් රජය සංවර්ධන ව්‍යාපෘති නතර නොකරන බවත් දූෂණයට ලක්වී ඇති ව්‍යාපෘති අත්හිටුවා නිවැරදි ඇස්තමේන්තු ලබාගෙන ඒවා සිදුකරන බවත් කරුණානායක මහතා කීය.