ජාත්‍යන්තර මූල්‍ය අරමුදලේ විධායක මණ්ඩලය විසින් මාස 48ක විස්තීර්ණ ණය පහසුකම් වැඩසටහනේ පළමු සමාලෝචනය ඊයේ (12) දින සම්පූර්ණ කරන ලදී.

මෙම පළමු සමාලෝචනය සම්පූර්ණ කිරීම මගින් විශේෂ ගැනුම් හිමිකම් (SDR) මිලියන 254 ක්, එනම් එක්සත් ජනපද ඩොලර් මිලියන 337 ක ප්‍රමාණයක් වහාම ශ්‍රී ලංකාව වෙත මුදා හැරීමට ඉඩ සලසනු ඇත.

ඒ අනුව මෙම පහසුකම යටතේ ජාත්‍යන්තර මූල්‍ය අරමුදල විසින් මේ දක්වා ශ්‍රී ලංකාවට ලබාදුන් සමස්ත අරමුදල් ප්‍රමාණය වි.ගැ.හි. මිලියන 508 ක් (ඇමරිකානු ඩොලර් මිලියන 670 ක් පමණ) වනු ඇත.