Power World ශරීර සුවතා මධ්‍යස්ථාන ජාලය සහ Kings Hospital Colombo අතර විශේෂ හවුල්කාරීත්වයකට පසුගියදා අත්සන් තැබිණි. මෙම හවුල්කාරීත්වය යටතේ Power World ආයතනය Kings Hospital හි නිල ශරීර සුවතා හවුල්කරු ලෙස කටයුතු කරනු ඇත.

මෙරට ප්‍රධානතම ශරීර සුවතා සන්නාමය වන Power World වසර 30 ක අධික කාලයක් පුරා ශ්‍රී ලාංකිකයන් වඩාත් සෞඛ්‍ය සම්පන්න ජීවන රටාවන්ට හුරුකරවීම සඳහා සුවිශාල කාර්යභාරයක් ඉටු කර තිබේ. මෙම හවුල්කාරීත්වයෙහි එක් පියවරක් වශයෙන් Power World විසින් Kings Hospital හි කාර්ය මණ්ඩලයේ කායික හා මානසික සුවතාව වෙනුවෙන් විශේෂයෙන් සැලසුම් කළ සුවතා වැඩසටහනක් හඳුන්වා දෙනු ඇත.

මෙය ශ්‍රී ලාංකිකයන්ගේ යහපත වෙනුවෙන් දිනපතා කැපවෙන සෞඛ්‍ය සේවයේ සාමාජික සාමාජිකාවන් පිරිසකගේ කායික හා මානසික සුවතාව වැඩිදියුණු කරමින් ඔවුන් නිරෝගී ජීවන රටාවන් වෙත යොමුකරවීම සඳහා Power World දරන සුවිශේෂී උත්සාහයක් ලෙස හැඳින්විය හැකි වේ.

ඡායාරූප විස්තරය - (වමේ සිට): Power World ශරීර සුවතා මධ්‍යස්ථාන ජාලය හි ආයතනික හවුල්කාරීත්ව ප්‍රධානී ක්‍රිස්ටෝපර් ප්‍රින්ස්,  JXG (ජනශක්ති සමූහ ව්‍යාපාරය) හි උප සභාපති (අලෙවිකරණ) සොහාන් කොළඹගේ, Power World ශරීර සුවතා මධ්‍යස්ථාන ජාලය හි නියෝජ්‍ය සාමාන්‍යාධිකාරී අනිල් ජයතුංග, එහි අධ්‍යක්ෂ/ප්‍රධාන විධායක නිලධාරී තනුෂ්ක ජයසුන්දර, Kings Hospital Colombo ප්‍රධාන විධායක නිලධාරී භද්‍රජිත් සිරිවර්ධන, එහි නියෝජ්‍ය සාමාන්‍යාධිකාරී (විකුණුම් හා අලෙවිකරණ) දිලිප් වීරමන් සහ මානව සම්පත් ප්‍රධානී ආසිරි එදිරිවීර යන මහත්වරුන්