SLIC විසින් මෑතකදී ඇතිවූ ‘දිට්වා’ සුළි කුණාටුවෙන් විපතට පත් පවුල්වලට සහාය වීම සඳහා ‘Rebuild Sri Lanka’ අරමුදලට රුපියල් මිලියන 10ක් පරිත්‍යාග කරන ලදී.

මෙම පරිත්‍යාගය 2026 මාර්තු මස 16 වන දින මුදල්, සැලසුම් සහ ආර්ථික සංවර්ධන අමාත්‍යාංශයේදී භාණ්ඩාගාර ලේකම් ආචාර්ය හර්ෂණ සූරියප්පෙරුම මහතා වෙත නිල වශයෙන් භාර දෙන ලද අතර මෙම දායකත්වය විපතට පත් වූ ජනතාවට සහය දක්වමින් සිදුකෙරෙන ජාතික සහන සහ නැවත ගොඩනැගීමේ ක්‍රියාමාර්ග සඳහා උපකාරී වනු ඇත.

මෙම අවස්ථාවට SLIC සභාපති නුසිත් කුමාරතුංග මහතා, ශ්‍රී ලංකා ඉන්ෂුවරන්ස් ලයිෆ් ප්‍රධාන විධායක නිලධාරී නලින් සුබසිංහ මහතා, ශ්‍රී ලංකා ඉන්ෂුවරන්ස් ජෙනරල් ප්‍රධාන විධායක නිලධාරී ආචාර්ය සමීර  ධර්මසේන මහතා සහ ශ්‍රී ලංකා ඉන්ෂුවරන්ස් ලයිෆ් මූල්‍ය ප්‍රධානී ශ්‍රියානි කුලසිංහ මහත්මිය ද සහභාගී වූහ.

මෙම ක්‍රියාමාර්ගය SLIC හි සමාජ වගකීම් පිළිබඳ තම කැපවීම නැවත තහවුරු කරන ලද අතර, විපතට පත් වූ ජනතාවට සහාය වීම සහ ජාතික ගොඩනැගීමේ උත්සාහයන් සඳහා එක්ව ක්‍රියා කිරීමේ වැදගත්කම පිළිබිඹු කරන ලදි.

ඡායාරූප සටහන: (වමේ සිට දකුණට) ආචාර්ය සමීර ධර්මසේන (CEO – SLICGL), ආචාර්ය හර්ෂණ සූරියප්පෙරුම (භාණ්ඩාගාර ලේකම් – මුදල්, සැලසුම් සහ ආර්ථික සංවර්ධන අමාත්‍යාංශය), නුසිත් කුමාරතුංග (සභාපති – SLIC), නලින් සුබසිංහ (CEO – SLICLL) සහ ශ්‍රියානි කුලසිංහ (CFO – SLICLL).