උත්සව සමය යනු සතුටු සැමරුම් හා තෑගිබෝගවලින් පිරුණු සමයකි. ඒ නිසාම, ජාතික තොරතුරු හා සන්නිවේදන තාක්ෂණ විසඳුම් සම්පාදකවන SLT-MOBITEL, සිය ස්ථාවර හා ජංගම දුරකථන සම්බන්ධතා භාවිතා කරන පාරිභෝගිකයන් වෙනුවෙන් 2024 දෙසැම්බර් මාසය තුළ විශේෂ දීමනා එකතුවක් හඳුන්වා දී තිබේ. දැනටමත් SLT-MOBITEL සම්බන්ධතා හිමි පාරිභෝගිකයන්ට මෙන්ම අලුතින් එම සම්බන්ධතා ලබාගන්නා පුද්ගලයන්ටද, පුළුල් පරාසයක පැතිරුණු මෙම දීමනා එකතුව හිමි වනු ඇත.

අමතර ඩේටා, උපාංග සඳහා වට්ටම් සහ නව්‍ය ඩිජිටල් විසඳුම් ආදිය ඇතුළත් මෙම සුවිශේෂී දීමනා එකතුවේ අරමුණ වන්නේ උත්සව සමයේ සතුට දෙගුණ කරමින්, පාරිභෝගික ළැදියාව වෙනුවෙන් තෑගි පිරිනමමින්, පාරිභෝගිකයන්ට සිය දෛනික ජීවන රටාවන් වැඩිදියුණු කරන ප්‍රතිලාභ එකතුවක් හඳුන්වා දීම ය. මෙම ‘Seasonal Hampers’ වැඩසටහන SLT-MOBITEL ස්ථාවර දුරකථන සම්බන්ධතා සඳහා 2024 දෙසැම්බර් මාසය පුරා ක්‍රියාත්මක වන අතර, ජංගම දුරකථන සම්බන්ධතා සඳහා 2025 ජනවාරි මාසයේදීද ක්‍රියාත්මක වනු ඇත. මේ නිසා පාරිභෝගිකයන්ට සිත් සේ මෙම දීමනාවලින් ප්‍රතිලාභ ලැබීමට අවස්ථාව හිමි වේ.

දැනටමත් SLT-MOBITEL Fibre සහ ADSL Home සම්බන්ධතා හිමි පාරිභෝගිකයන්ට මෙම දීමනා යටතේ  රු. 1,000/- ක් වටිනා 4G LTE පසුගෙවුම් සම්බන්ධතාවක් නොමිලේ හිමි වන අතර, ඒ සඳහා මාස 12 ක් දක්වා වලංගු වන පරිදි මසකට 25GB බෝනස් ඩේටා හිමි වනු ඇත. සක්‍රීය Fibre හෝ ADSL සම්බන්ධතා හිමි පාරිභෝගිකයන්ට SLT-MOBITEL නිල වෙබ් අඩවිය හරහා ඉල්ලීමක් කිරීමෙන් මෙම දීමනාව ලබාගත හැකි අතර එය 2024 දෙසැම්බර් 15 දින සිට 2024 දෙසැම්බර් 31 දක්වා වලංගු වේ.

එමෙන්ම සියලුම SLT-MOBITEL Home Broadband පසුගෙවුම් සම්බන්ධතා හිමියන්ගේ සතුට දෙගුණ කිරීමටද SLT-MOBITEL පියවර ගෙන ඇත. උත්සව සමයේ ඔවුන් වෙත හිමි වන දීමනාවට අන්තර්ජාලයේ වීඩියෝ නැරඹීම සහ චැට් කිරීම ආදිය සඳහා සියල්ල ඇතුළත් 25GB entertainment data ඇතුළත් වේ.

උපාංග සඳහා මේ උත්සව සමයේ හිමිවන දීමනා යටතේ, පාරිභෝගිකයන්ගේ නිවෙස්වල භාවිතා කරන උපාංග සහ තොරතුරු හා සන්නිවේදන තාක්ෂණ උපකරණ දක්වා පුළුල් පරාසයක පැතිරුණු eTeleshop භාණ්ඩ සඳහා 50% ක් දක්වා වට්ටම් හිමි වනු ඇත.

මීට අමතරව ප්‍රවර්ධන කාලසීමාව තුළ eTeleshop හරහා MI-FI Routers මිලදී ගැනීමේදී පාරිභෝගිකයන්ට 20% ක වට්ටමක් හිමි වේ.

අන්තර්ජාලය භාවිතා කිරීමේදී ඉහළම තලයේ ඩිජිටල් ආරක්ෂාවක් සමග භාවිතා කිරීමේදී උපරිම පහසුවක් සහතික කරන Kaspersky Security සහ Eazy Storage විසඳුම්ද උත්සව සමයේ SLT-MOBITEL දීමනා අතරට ඇතුළත් ය. මෙම විසඳුම් භාවිතා කරන පාරිභෝගිකයන්ට අන්තර්ජාලය භාවිතා කිරීමේදී ඉහළම ආරක්ෂාවක් සමගින් පළමු මාසය තුළ නොමිලේ දත්ත ගබඩා කිරීමේ පහසුකමද හිමි වේ. මෙම දීමනා පෙරගෙවුම් සහ පසුගෙවුම් යන දෙපාර්ශ්වයටම ලබාගත හැක.

උත්සව සමයේ සිය ජංගම දුරකථන සේවා පාරිභෝගිකයන්ගේ සිත්වල සතුට දෙගුණ කිරීම සඳහා SLT-MOBITEL විසින් උපාංග දීමනා පෙළක් හඳුන්වා දී තිබේ. මේ යටතේ 4G Mobile WiFi Router එකක් රු. 9,990/- කට (සාමාන්‍ය මිල රු. 13,950/-) මිලදීගත හැකි අතර, 1,290 පසුගෙවුම් 30GB ඩේටා සැලසුම ලබාගන්නා පාරිභෝගිකයන්ට පළමු මාසය සඳහා අදාළ මූලික ගාස්තුව අය නොකෙරේ. 4G WiFi Dongle එකක් රු, 7,900/- කට (සාමාන්‍ය මිල රු. 10,440/-) ලබාගත හැකි අතර මෙය පෙරගෙවුම් හා පසුගෙවුම් දෙපාර්ශ්වයටම වලංගු ය. මීට අමතරව 4G Dongle එකක් රු. 5,000/- කට (සාමාන්‍ය මිල රු. 8,370/-) මිලදීගත හැකි අතර, එයට 10GB බෝනස් ඩේටා ඇතුළත් රු. 499/- ක පෙරගෙවුම් සම්බන්ධතාවක්ද හිමි වේ. 

මෙම උත්සව සමයේ දීමනා එකතුවේ තවත් විශේෂත්වයක් වන්නේ, ‘Missed Call සල්පිල’ ප්‍රවර්ධන වැඩසටහන හරහා TVS NTORQ 125cc ස්කූටරයක් දිනාගැනීමටද පාරිභෝගිකයන්ට අවස්ථාව හිමි වීම ය. දිනුම් ඇදීමට සහභාගී වීම සඳහා පාරිභෝගිකයන් කළ යුතු වන්නේ 696 ඩයල් කර අංක 1 ඇතුළත් කිරීම පමණි. තවද ඔවුන්ට MyCricQ ප්‍රශ්න විචාරාත්මක තරගයට සහභාගී වී රු. 50,000/- දක්වා තෑගි වවුචර් දිනාගත හැකි අතර, ඒ සඳහා http://Mycricq.com වෙත පිවිසී ලියාපදිංචි විය යුතු ය.

SLT-MOBITEL mobile පාරිභෝගිකයන්ට ලැබෙන අමතර වාසියක් ලෙස $3 Daily Data සහ $5 Unlimited Data Roaming පැකේජ සඳහා 10% ක වට්ටමක් හිමි වේ. 4 වැනි රීලෝඩ් වාරයේ සිට (එනම් 3 වරක් රීලෝඩ් කිරීමෙන් අතුරුව 4 වැනි වර රීලෝඩ් කිරීමේ සිට) හිමි වන මෙම දීමනාව 2024 දෙසැම්බර් 10 සිට 2024 දෙසැම්බර් 31 දක්වා ක්‍රියාත්මක වනු ඇත. එමෙන්ම පාරිභෝගිකයන්ට 777 ඩයල් කර තම ප්‍රියතම නත්තල් ගීතය සක්‍රීය කර ගැනීම මගින් රීලෝඩ් දිනාගැනීමට අවස්ථාව හිමි වේ. තවද REG ටයිප් කර 6363 වෙත SMS කර ජනශක්ති බරපතළ රෝග ආවරණය සක්‍රීය කරගැනීම මගින් ඔවුන්ට රු. 250,000/- ක් දක්වා තෑගි දිනාගැනීමට හැකියාව ලැබෙනු ඇත. මීට අමතරව ජංගම දුරකථන ක්‍රීඩා කලාවේ නව මානයක් සනිටුහන් කළ SLT-MOBITEL Mobistation app බාගත කරගන්නා පාරිභෝගිකයන්ට ඩේටා පැකේජ සහ විශේෂ ත්‍යාග දිනාගැනීමටද අවස්ථාව සලසා දී තිබේ.

තවද අතිරේක අගය එකතු කළ ප්‍රතිලාභයක් වශයෙන් SLT-MOBITEL mobile පාරිභෝගිකයන්ට eChannelling ePremium සාමාජිකත්වය ලබාගැනීමේදී ආකර්ෂණීය ඉතුරුම් හිමි වේ. eChannelling ePremium යනු සෞඛ්‍ය සේවා ලබාගැනීමේදී උපරිම පහසුවක් සහතික කරන සුවිශේෂී ක්‍රමවේදයකි. තවද විදේශ රටවල සිටින සිය ඥාතීන් හා හිතමිතුරන් සමග සම්බන්ධ වීම සඳහා සෘජු ජාත්‍යන්තර ඇමතුම් (IDD) වල සෑම 4 වැනි මිනිත්තුවක්ම නොමිලේ හිමි වන අතර, මෙම දීමනාව 2024 දෙසැම්බර් 15 සිට 2024 දෙසැම්බර් 30 දක්වා ක්‍රියාත්මක වේ.

වැඩිදුර තොරතුරු සඳහා https://slt.lk/en/promotions වෙත පිවිසෙන්න. නැතිනම් ළඟම පිහිටි SLT-MOBITEL ශාඛාව වෙත පැමිණෙන්න.